ىشكى ىستەر مينيسترلىگى قاراعاندىلىقتاردان كەشىرىم سۇرادى
بۇل تۋرالى اتالعان ۆەدومستۆونىڭ رەسمي وكىلى الماس سادۋبايەۆ ايتتى، دەپ حابارلايدى قازاقپارات ءتىلشىسى.
ىشكى ىستەر مينيسترلىگىنىڭ مالىمەتتەر بازاسىندا ەشقانداي دا ىركىلىس بولعان جوق. قاراعاندى تۇرعىندارىنا قاتىستى تەرىس مالىمەتتەرمەن بايلانىستى پروبلەمانى قارجى مينيسترلىگى شەشىپ جاتىر. اتالعان پروبلەما بارلىق مەملەكەتتىك ورگاندار مەن ۇيىمداردىڭ ەتالونى سانالاتىن ادىلەت مينيسترلىگى بازاسى مەن سالىق ورگاندارىنىڭ اقپاراتتىق جۇيەسىنىڭ ءوزارا ارەكەتتەرىندەگى كەمشىلىكتەردەن تۋىنداعان. كەلتىرىلگەن قولايسىزدىقتار ءۇشىن ازاماتتاردان كەشىرىم سۇرايمىز»، - دەدى الماس سادۋبايەۆ.
ايتا كەتەيىك، ەلىمىزدىڭ ءبىرقاتار اقپارات قۇرالى ىشكى ىستەر مينيسترلىگىنىڭ مالىمەتتەر بازاسىنداعى ىركىلىستەردىڭ سالدارىنان مىڭداعان قاراعاندىلىق بورىشكەرلەر تىزىمىنە ىلىككەنىن حابارلاعان بولاتىن.