دۇنيەجۇزىنىڭ مۇراعاتتارىندا قازاق تاريحىنا قاتىستى بەيمالىم دەرەكتەر جەتەرلىك - باۋىرجان جاقىپ
مۇندا قازاق حالقىنىڭ تاريحىنا مۇلدەم جاڭاشا كوزقاراس ورنىققان. قازاقستان جازۋشىلار وداعى باسقارما ءتوراعاسىنىڭ ورىنباسارى، اقىن، ق ر ۇ ع ا كوررەسپوندەنت مۇشەسى باۋىرجان جاقىپ وسىنداي پىكىر ءبىلدىردى.
«ەلىمىزدە «مادەني مۇرا» باعدارلاماسى بويىنشا قانشاما ىستەر جۇزەگە استى. ورىس، قىتاي، پارسى، اراب تىلدەرىندە جازىلىپ قالدىرىلعان كوپتەگەن قازاق تاريحىنا قاتىستى جادىگەرلەر جيناقتالىپ، كىتاپ بولىپ جارىق كوردى. ءبىراق بۇل ءالى تولىق اتقارىلعان ءىس ەمەس. دۇنيەجۇزىنىڭ كوپتەگەن مۇراعاتتارى مەن مۋزەيلەرىندە قازاق تاريحىنا قاتىستى ءالى كوپ بەيمالىم دەرەكتەر جەتەرلىك. سوندىقتان «ارحيۆ -2025» جەتى جىلدىق باعدارلاماسىن جۇزەگە اسىرۋ ارقىلى بۇكىل زيالى قاۋىم وكىلدەرى تاريحىمىزدىڭ اقتاڭداقتارىن اشۋعا مۇمكىندىك الىپ وتىر»، - دەيدى باۋىرجان جاقىپ.
سونداي-اق، تانىمال جۋرناليست «دالا فولكلورىنىڭ انتالوگياسىن» جاساۋعا قازاقستان جازۋشىلار وداعى تىكەلەي ارالاساتىنان ايتتى.
«كوپتەگەن ەرتەگىلەرىمىز بەن ليرو-ەپوستىق جىرلارىمىزدىڭ، باتىرلىق جىرلار مەن ماقال- ماتەلدەردىڭ، اڭىزدار مەن قيسسالاردىڭ ءالى دە حالىق نازارىنا ۇسىنىلماعان، الەم وقىرمانىنا بەيمالىم نۇسقالارى بارشىلىق. بۇل ىستە قازاقستان جازۋشىلار وداعى نەگىزگى كۇش- قايرات كورسەتۋى كەرەك. تۇركولوگتاردىڭ دۇنيەجۇزىلىك كونگرەسىن 2019 -جىلى استانادا وتكىزۋدىڭ ناقتى بەلگىلەنۋى - كوپ جاڭا عىلىمي جۇيەلى ىستەردىڭ جۇزەگە اسۋىنا سەرپىن بەرەرى ءسوزسىز»، - دەيدى قالامگەر.
ءسوز سوڭىندا باۋىرجان ءومىرجان ۇلى «ۇلى دالانىڭ جەتى قىرى» باعدارلامالىق ماقالاسىندا كورسەتىلگەن جوبالاردىڭ جۇزەگە اسۋى ارقىلى بارشا الەمگە ءوزىمىزدىڭ ۇلى دالا ەلى ەكەندىگىمىزدى دالەلدەيتىن تاريحي دامۋىمىزداعى جاڭا كەزەڭ باستالىپ وتىرعانىن اتاپ ءوتتى. ول سونداي-اق، ءاربىر زيالى قازاق ازاماتى ەلباسى ماقالاسىنداعى كورسەتىلگەن باعىتتاردىڭ ءىس جۇزىنە اسۋىنا بارىنشا قايرات كورسەتىپ، ۇلەس قوسۋى كەرەك دەپ سانايتىنىن جەتكىزدى.