رەسەي مەن بەلارۋستەن قازاقستانعا اكەلىنگەن تاۋىق ەتىنەن زياندى زاتتار انىقتالدى

استانا. قازاقپارات - قازاقستانعا جەتكىزىلەتىن تاۋىق ەتى ونىمدەرىنەن گيگيەنالىق نورماتيۆتەر مەن تەحنيكالىق رەگلامەنتتەردىڭ تالاپتارى بۇزىلعانى انىقتالدى، دەپ حابارلايدى قوعامدىق دەنساۋلىق ساقتاۋ كوميتەتىنىڭ رەسمي سايتى.

ق ر د س م قوعامدىق دەنساۋلىق ساقتاۋ كوميتەتى ءونىمنىڭ قاۋىپسىزدىگىنە مونيتورينگ جۇرگىزۋ شەڭبەرىندە مىنا كاسىپورىندار تالاپتاردى بۇزعانىن انىقتادى:

- «ماگنيتوگورسكيي پتيسيەۆودچەسكي كومپلەكس «برويلەرنوە پرويزۆودستۆو» ج ش ق (رەسەي فەدەراتسياسى) - سورپا جيىنتىعىنىڭ سىنامالارىندا سالمونەللا (Salmonella س توبى) تەكتى باكتەريالار انىقتالدى (بالاپان- برويلەر ەتىنەن جاسالعان جارتىلاي فابريكاتتار)؛

- «سموليەۆيچي برويلەر» ا ا ق (بەلارۋس رەسپۋبليكاسى) - بالاپان- برويلەر «ميكس» قۇس ەتىنەن جاسالعان جارتىلاي فابريكات سىنامالارىندا ميكروبيولوگيالىق كورسەتكىشتەر بويىنشا سايكەس ەمەستىكتى: فيلە، سان، قاناتى؛

- «سپك كۋرنيكوۆ» ج ش ق (رەسەي فەدەراتسياسى) - «ناتۋرالنىي» قۇس ەتىنەن جاسالعان تۋرالعان ەت سىنامالارىنىڭ ميكروبيولوگيالىق كورسەتكىشتەرى بويىنشا سايكەس ەمەستىكتى انىقتاۋ.

قازىرگى ۋاقىتتا ساۋدا وبەكتىلەرىنەن قاۋىپتى ءونىمدى الىپ تاستاۋ بويىنشا شارالار، سونداي-اق وتكىزۋشىلەرگە قاتىستى اكىمشىلىك سيپاتتاعى شارالار قابىلدانۋا.

بۇل رەتتە، كوميتەت بۇزۋشىلىقتاردىڭ تۋىنداۋىنا ىقپال ەتەتىن سەبەپتەردى انىقتاۋعا باعىتتالعان ءبىرقاتار ەپيدەمياعا قارسى ءىس- شارالاردى جۇرگىزەدى.

دۇكەن سورەلەرىندە سايكەس كەلمەيتىن ونىمدەر انىقتالعان جاعدايدا جازباشا نەمەسە 87172742704 ءنومىرى بويىنشا كوميتەتكە جانە ونىڭ اۋماقتىق دەپارتامەنتتەرىنە جۇگىنۋگە بولادى (ءار ءوڭىردىڭ ق د س د- نىڭ بايلانىس دەرەكتەرى اۋماقتىق دەپارتامەنتتەر بولىگىندە kooz.dsm.gov.kz/ru سايتىندا كورسەتىلگەن).