سوچيدەگى حالىقارالىق تۋريستىك كورمەدە قازاقستان ءوز ۇلتتىق پاۆيلونىن ۇسىندى
بۇل تۋرالى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ رەسمي سايتى حابارلادى.
قازاقستاندىق تۋريندۋستريانىڭ وكىلدەرى ەلىمىزدىڭ تۋريستىك الەۋەتىن كورسەتۋ ءۇشىن سوچيگە وتە قىزىق مادەني باعدارلامامەن كەلدى. سوچيلىك كورمەگە قاتىسۋدى قازاقستان رەسپۋبليكاسى مادەنيەت جانە سپورت مينيسترلىگى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ قولداۋىمەن ۇيىمداستىردى.
قازاقستاندىق پاۆيلوننىڭ سالتاناتتى اشىلۋ راسىمىنە سوچي قالاسىنىڭ مەرى ا. پاحوموۆ، كراسنودار ولكەسى شيپاجايلار، تۋريزم جانە وليمپيادالىق مۇرا ءمينيسترى ح. كونستانتينيدي جانە قازاقستان رەسپۋبليكاسىنىڭ رەسەي فەدەراتسياسىنداعى كراسنودار ولكەسى بويىنشا قۇرمەتتى كونسۋلى ۆ. موحناچيەۆ قاتىستى.
ەلىمىزدىڭ عاجايىپ تابيعاتىمەن بىرگە ستەند كورەرمەندەرى مادەنيەتىمىزبەن ناقتى ۋاقىت تارتىپتەمەسىندە تانىستى، سازسىرناي، شاڭقوبىز جانە دابىل سياقتى ۇلتتىق اسپاپتاردا ويناۋ بويىنشا ماستەر- كلاسستارعا قاتىستى. ارينە، بارلىق قوناقتار باۋىرساقتان، قازاقستاندىق شوكولادتان جانە ۇلتتىق تاعامداردان ءدام تاتتى. ال «قازاق داستارحانى» ماستەر- كلاسسىنا قاتىسقاندار قازاق اسحاناسىنىڭ بىرەگەي ءونىمى - قۇرتتى دايىنداۋدىڭ رەتسەپتىمەن تانىسا الدى.
Hilton Astana 5 جۇلدىزدى قوناقۇيىنەن سەرتيفيكات ۇتىپ الۋ مۇمكىندىگى بارلىق قوناقتار ءۇشىن قوسىمشا جاعىمدى سىيلىق بولدى.
«استانا كونۆەنشن بيۋرو» ج ش س، «سولتۇستىك قازاقستان بويىنشا تۋريستىك اسسوتسياتسيا» قۇ، «ازىرەت- سۇلتان» مەملەكەتتىك تاريحي- مادەني قورىعى، «كوكجايلاۋ- استانا» ج ش س كىرگەن كوماندانىڭ ۇيلەسىمدى جۇمىسى رەسەي تۇرعىندارىنا قازاقستاندى جاقىنداتا ءتۇستى، ال b2b فورماتىنداعى كەزدەسۋلەر ىسكەرلىك ارىپتەستەرمەن مىقتى جانە جىلى قاتىناستاردى نىعايتۋعا مۇمكىندىك بەردى.
