شىمكەنت تۋرالى قىزىقتى دەرەكتەر

  استانا. قازاقپارات - شىمكەنت تۋرالى قىزىقتى ءارى تانىمدىق دەرەكتەر ۇسىنامىز.

شىمكەنتكە بارعان كەز- كەلگەن ادام ءار ءتۇرلى اسەر الىپ قايتادى. دەسە دە، كوپشىلىگى قالا تۋرالى وڭ پىكىردە دەپ ويلايمىز. شىمكەنتى جانە ونىڭ تۇرعىندارىن ۇناتۋ، ۇناتپاۋ اركىمنىڭ ءوز ەركىندە. ءبىراق، بۇل قالاعا نەمقۇرايلى قاراۋ مۇمكىن ەمەس.

1. شىمكەنت 2200 -جىلدان استام تاريحى بار قازاقستاننىڭ ەڭ ەسكى قالاسى. بۇل فاكتىنى ارحەولوگتاردىڭ ءوزى راستاعان. ءبىر ەرەكشەلىگى، مۇندا جىلىنا 300 كۇنگە دەيىن كۇنشۋاقتى اۋا رايى ساقتالادى. قىسى جىلى، جازى وتە ىستىق جانە ۇزاق بولاتىن قازاقستاننىڭ ەڭ شىرايلى ءوڭىرى.

2. اۋماعى بويىنشا رەسپۋبليكادا ءۇشىنشى ورىن الاتىن قالا. شىمكەنتتىڭ قالالىق الاڭى ماسكەۋدىڭ اۋماعىمەن بىردەي.

 3. شىمكەنت -  ەلدە كوشەلەرىنىڭ ۇزىندىعى بويىنشا ابسوليۋتتىك رەكورد ورناتقان قالا. وبلىس ورتالىعىندا 2000 عا جۋىق كوشەلەر بار، ولاردىڭ كوپشىلىگى قازاق باتىرلارى مەن مادەنيەت قايراتكەرلەرىنىڭ جانە عالىمداردىڭ ەسىمىمەن اتالعان. كوشەلەردىڭ جالپى ۇزىندىعى 2100 كيلومەتردى قۇرايدى.

4. شىمكەنت - دەموگرافيالىق تۇرعىدان كوشباسشى عانا ەمەس، ەلدەگى ەگىزدەردىڭ سانى بويىنشا ءبىرىنشى ورىن الاتىن قالا. ستاتيستيكالىق مالىمەتتەرگە سۇيەنسەك، سوڭعى 10 جىلدا وڭتۇستىك قازاقستان وبلىسىندا جەتى مىڭنان استام ەگىز جانە 81 ۇشەم تۋىلعان. جىل سايىن ايماقتا شامامەن 800 جۇپ ەگىز دۇنيەگە كەلەدى.

5. شىمكەنت قالاسى ميلليونىنشى قالا رەتىندە تانىلعاننان كەيىن، قالا تۇرعىندارى «كينەس-2018» اتتى قازاقستاننىڭ رەكوردتار كىتابىنىڭ وكىلدەرى تىركەگەن الەمدىك رەكورد جاسادى. ءال- فارابي الاڭىندا وسى ءىس- شارانىڭ قۇرمەتىنە 5 مىڭ ازامات ءبىر مەزگىلدە ءبىر ميلليون رەت كەۋدەسىن جەردەن كوتەردى.

6. شىمكەنتتە جانە تەك شىمكەنتتىك قانا قازاقستاننىڭ بارلىق بۋكمەكەرلىك كەڭسەسى تاريحىندا ەڭ ۇلكەن ستاۆكا جاساي الدى. بيىلعى جىلدىڭ مامىر ايىندا ءباس تىككەن شىمكەنتتىك ازامات 17 ميلليون تەڭگە ۇتىپ الدى.

7. قازاقستاننىڭ وڭتۇستىك مەگاپوليسى ءوز اۋماعى ارقىلى وتەتىن كوپتەگەن سۋ ارتەريالارى بار جالعىز قالا. شىم شاھارىنىڭ اۋماعىنان قاراسۋ تارماعى مەن بادام جانە قوشقار اتا وزەندەرى اعىپ وتەدى. سونداي- اق، قالانى شىعىستان باتىسقا قاراي كەسىپ وتەتىن بادام، شىمكەنت، جاڭاشەك جانە تەكەسۋ كانالدارىنىڭ جاساندى سۋ جولدارى بار.

 8. قازاقستاننىڭ وڭتۇستىگى ەلىمىزدىڭ اسىراۋشىسى بولىپ سانالادى. جەمىس- جيدەك پەن كوكونىس، قاربىز- قاۋىن، ماقتا وسىرۋدەن وڭتۇستىك قازاقستانعا تەڭ كەلەر قالا جوق. بۇل ءوڭىردىڭ جىلدىق تابىسى وبلىس حالقىنىڭ قاجەتتىلىگىن ارتىعىمەن وتەي الادى.

 9. شىمكەت حالىقتى ءدامدى جانە ارزان تاعامدارىمەن دە باۋراپ الادى. وڭتۇستىكتىڭ ادامدارى تاماقتىڭ ءدامىن جاقسى بىلەدى. داستۇرگە اينالعان بەشبارماق، باۋىرساق، پالاۋ فەستيۆالدەرى تەك شىمكەنتتە عانا پايدا بولا الدى.

10. قوناقجايلىلىق جاعىنان شىمكەنتكە تەڭ كەلەر قالا جوق. وڭتۇستىكتىڭ ادامدارى قوناق كەلگەندى جاقسى كورەدى، جالپى قوناقتاردى وتە جوعارى باعالايدى.

Stan.kz