15:21, 23 - قاراشا 2018 | GMT +5
قازاقستاننىڭ بەسسايىس فەدەراتسياسى ماراپاتتالدى
استانا. قازاقپارات - حالىقارالىق زاماناۋي بەسسايىس وداعى 2018 -جىلدى قورىتىندىلاپ، ۇزدىكتەردى انىقتادى، دەپ حابارلايدى قازاقپارات ءتىلشىسى.
ق ر ۇلتتىق وليمپيادا كوميتەتىنىڭ باسپا ءسوز قىزمەتى ءمالىم ەتكەندەي، جىل قورىتىندىسى بويىنشا استانادا وتكەن الەم كۋبوگىنىڭ فينالدىق باسەكەسى ۇزدىك جارنامالانعان سايىس اتالىمى بويىنشا جەڭىمپاز اتاندى.
ودان بولەك، UIPM قۇرمەت زالىنا ەنگەن 15 ادامنىڭ قاتارىنا قازاقستاندىق دوسىمبەتوۆ تيمۋر قامال ۇلى دا قوسىلدى. ول ەلىمىزدەگى جانە الەمدەگى زامانۋي بەسسايىستى دامىتۋعا قوسقان ۇلەسى ءۇشىن قۇرمەت زالىنان ورىن الدى.
بۇگىنگە دەيىن حالىقارالىق زامانۋي بەسسايىس وداعىنىڭ قۇرمەت زالىنا ەنگەن تانىمال تۇلعالار قاتارىندا وليمپيادالىق قوزعالىستىڭ باستاۋىندا تۇرعان بارون پەر دە كۋبەرتەن، حوك پرەزيدەنتى رەتىندە 21 جىل جۇمىس ىستەگەن حۋان انتونيو سامارانچ، زاماناۋي بەسسايىستان وليمپيادا ويىندارىنىڭ بىرنەشە دۇركىن چەمپيونى ءارى جۇلدەگەرى پاۆەل لەدنيەۆتەر بار.