قاسىم حان تۋرالى «ەرتۇعرىلدىڭ» رەجيسسەرى فيلم تۇسىرەدى
«التىن ادامنىڭ تاريحىن زەرتتەۋ بولسىن، ەنتسيكلوپەديا، مۋزەيدى قۇرۋ بولسىن - ءبىزدىڭ مينيسترلىكتىڭ قۇزىرىنداعى شارۋا. سول سەبەپتەن بۇكىل مەكەمە باسشىلارىنىڭ باسىن قوسىپ وتىرىس وتكىزىپ جاتىرمىز. الدىمىزداعى ناقتى ماقساتتار ايقىندالدى. ەڭ تاپشى دۇنيە - ول ۋاقىت. ەلباسىنىڭ ءوزى ۋاقىتتى ءتيىمدى پايدالانۋ كەرەكتىگىن ايتىپ وتىر. سول سەبەپتەن، وسى تاريحي ەڭبەكتەردىڭ اياسىندا ءبىر اپتانىڭ ىشىندە ناقتى ۇسىنىستاردى بەرۋىمىز كەرەك»، - دەدى ارىستانبەك مۇحامەدي ۇلى ۇلتتىق اكادەميالىق كىتاپحانادا وتكەن جيىندا.
مينيستر ءوز سوزىندە، حالىقتىڭ كوڭىلىنەن شىعاتىن كەرەمەت ۇسىنىستار ايتىلىپ جاتقانىن ايتتى.
«البەتتە، ويعا العان شارۋالاردى ىسكە اسىرۋ ءۇشىن مەملەكەتتىك جوسپار جاسايمىز. سالىستىرمالى تۇردە قاراساڭىزدار، ەڭ از بيۋجەت - ءبىزدىڭ مينيسترلىكتە. ءبىراق، حالىقتىڭ كوڭىلىنەن شىعىپ، دۇنيە جۇزىنە تانىلىپ جاتقان شارۋالاردىڭ كوبىن ءبىزدىڭ مينيسترلىك اتقارىپ جاتىر. كەشە عانا ديماشتىڭ لوندوندا كونسەرتى ءوتتى. بىردە-ءبىر قازاق ديماشتىڭ دەڭگەيىنە جەتكەن جوق»، - دەيدى ول.
ارىستانبەك مۇحامەدي ۇلى سونىمەن بىرگە قاسىم حان تۋرالى فيلمنىڭ سەناريى تۋرالى ءسوز قوزعادى.
«قاسىم حان تۋرالى فيلمنىڭ جوباسى بويىنشا ءبىز كارتينانىڭ سەناريىنە تاپسىرىس بەردىك. البەتتە، ول سەناريدىڭ قالاي جازىلعانىنا دەن قويارىمىز انىق. ەگەر وندا قاسىم حاننىڭ بارلىق ەرلىگى مەن ءومىرى قاملتىلسا، ارى قاراي جۇمىستى جالعاستىراتىن بولامىز. رەجيسسەر - «ەرتۇعرىل» سەريالىن تۇسىرگەن تۇرىك رەجيسسەرى بولادى. ول قازاقستاندىق ماماندارمەن بىرگە سەناريدى جازىپ شىقتى. قازىرگى تاڭدا قازاقستاندىق رەجيسسەرلەر ءىرى جوبالارمەن ءجۇر. اقان ساتايەۆ «تۇمار پاتشايىمدى» ءتۇسىرىپ جاتسا، رۇستەم ءابدىراش «الماس قىلىشتىڭ» جالعاسىنا كىرىسىپ كەتتى. الەمدىك دەڭگەيگە جەتۋ ءۇشىن ءبىز مويىندالعان رەجيسسەرلەر مەن اۆتورلاردى شاقىرۋىمىز كەرەك»، - دەيدى ارىستانبەك مۇحامەدي ۇلى.