ەڭ پايدالى دارىلىك دامدەۋىشتەر

 استانا. قازاقپارات - دامدەۋىشتەر - جۇرەك-قان تامىر اۋرۋلارى جانە ءتىپتى ونكولوگيالىق اۋرۋلارمەن كۇرەستە دارىلىك قاسيەتكە يە.

1. حولەستەرينگە قارسى ءتيىمدى.

اسىرەسە دارشىن مەن كۋركۋمادان جاقسى بايقالادى.

2. سۋىق تيۋدەن ساقتايدى.

ءزىمبىر، قالامپىر جانە دارشىن ىشكى كۇشتى جانداندىرىپ، قان اينالىمدى جاقسارتاتىن قابىلەتكە يە. ناتيجەسىندە ادام اۋرۋىنان تەز ايىعادى.

3. ارتىق سالماقتان ارىلۋعا كومەكتەسەدى.

تۇسكى اس كەزىندەگى اشى تۇزدىقتاردىڭ ءوزى دە تابەتتى جويماي، تاعامدى تويىمدى ەتۋگە كومەكتەسەدى: ولاردىڭ قۇرامىندا كەزدەسەتىن كاپسايتسين توق باسىپ، ناتيجەسىندە ادام از تاماق جەيدى. بۇعان قوسا، كاپسايتسين ەنەرگيانى 23%- عا ارتىق جۇمساۋعا كومەكتەسىپ، ماي جاسۋشالارىنىڭ دامۋىن تەجەيدى.

4. گورمونالدى قالىپتى جاقسارتادى.

بوتاتابان ايەلدەردىڭ رەپرودۋكتيۆتى جۇيەسىنە جاقسى اسەر بەرەدى، گورمونالدى وزگەرىستەردى رەتتەيدى. كليماكس كەزىندە بوتاتاباننىڭ 2-3 ءتۇيىرىن قولدانۋ ەتەككىردىڭ قالىپقا كەلۋىنە جاردەمدەسكەن. دامدەۋىشتەردىڭ ىشىندە افروديزياكتار وتە كوپ. جۇپار ءجۇزىم جاڭعاعى ايەلدەرگە قاتىستى، ال ناسىبايگۇل ەرلەرگە قاتىستى دەپ بەكەر ايتىلماعان، ولاردىڭ قۇرامىنداعى ەفير مايلارى ىشكى سەكرەتسيا بەزدەرىنىڭ جۇمىسىن جاڭارتا تۇسەدى. ءۆانيلدىڭ قۇرامىنداعى ەلەمەنتتەر ورتا جۇيكە جۇيەسى قىزمەتىنە وڭ اسەر بەرەدى.

5. وبىردان ساقتايدى.

دامدەۋىشتىڭ قۇرامىنداعى انتيوكسيدانتتار كانتسەروگەندەرمەن كۇرەسەدى. كۋركۋمادان مويىن جانە باس وبىرىنىڭ دامۋىنا جول اشاتىن بيوحيميالىق پروتسەستەردى بۇعاتتايتىن زات تابىلدى. ال اقجەلكەكتەن وبىر جاسۋشالارىن جويۋعا قابىلەتتى مولەكۋلا تابىلعان بولاتىن.

* لاۆر جاپىراعى.

اس قورىتۋ، جۇرەك جۇمىسىن جاقسارتادى، تابەتتى اشادى، ارتريتتىڭ قابىنۋلارى، تەرى اۋرۋلارى كەزىندە پايدالانىلادى. تىنىس جولدارى اۋرۋلارى كەزىندە لاۆر جاپىراعىنان ينگالياتسيالار جاسالادى. لاۆر مايى گايموريت كەزىندە قولدانىلاتىن، دالەلدەنگەن قۇرال.

جۇكتىلىك كەزىندە پايدالانۋعا بولمايدى.

* اقجەلكەك.

اس قورىتۋ بەزدەرى سەكرەتسياسىن جاقسارتاتىن بىردەن- ءبىر قۇرال. نەسەپ ايداعىش قاسيەتكە يە، نەسەپ جولدارى قابىنۋلارى، سيستيت، ريەۆماتيزم كەزىندە قولدانىلادى. بالعىن اقجەلكەكتى ءۇسۋ، بەت نيەۆرالگياسى كەزىندە جانە ريەۆماتيزمدە كەڭىنەن پايدالانادى.

* ءزىمبىر.

جۇرەك اينۋدىڭ قانداي ءتۇرى بولسىن، كومەكتەسەدى. يممۋنيتەتتى جاقسارتىپ، باس اۋرۋى مەن ءارتريتتىڭ قىلاڭ بەرۋىنە جول بەرمەيدى. جوتەل مەن سۋىق تيۋدەن تاپتىرمايتىن ءدارى. اعزانىڭ قورعانىس قاسيەتىن كۇشەيتەدى. جاپوندار ءزىمبىردى قۇرتقا قارسى تابىلماس قۇرال دەپ باعالايدى ەكەن.

* بوتاتابان.

كۇيزەلىس پەن اۋرۋدى باساتىن قاسيەتكە يە، ويتكەنى قۋانىش گورمونى - سەروتونيندى بولەدى. اس قورىتۋدى جاقسارتادى، ليمفا جۇيەسىن، بۇيرەك پەن باۋىردى تازالاپ، تامىرداعى قان ۇيۋدىڭ الدىن الادى، بەت ءتۇسىن جاقسارتادى.

* دارشىن.

كۇندەلىكتى 1 شاي قاسىق دارشىندى پايدالانۋ اعزاداعى قانت مولشەرىن رەتتەپ، قانداعى حولەستەريندى جويۋعا كومەكتەسەدى، قان قىسىمىن جاقسارتادى. ميكروبقا قارسى اسەرى بار، ءۇي جاعدايىندا ازىق- تۇلىكتى ۇزاعىراق ساقتاۋعا مۇمكىندىك بەرەدى.

* قالامپىر.

قالامپىر مايى - ەڭ كۇشتى تىنىشتاندىرعىش اسەرگە يە. ج ر ۆ ي كەزىندە اروماتەراپيا رەتىندە قولدانۋعا كەڭەس بەرىلەدى. سونىمەن قاتار قالامپىر ءتىس اۋرۋى كەزىندە تىنىشتاندىرعىش اسەر بەرىپ، تىنىس جولدارى اۋرۋلارى كەزىندە دەمدى جاقسارتا تۇسەدى.

دامدەۋىشتىڭ باستى باسىمدىعى - قۇرامىندا انتيوكسيدانتتاردىڭ كوپ بولۋىندا. بۇل مولشەر ءاجىم مەن ءتۇرلى اۋرۋلاردا قىلاڭ بەرەتىن اعزاداعى بوس راديكالداردىڭ بۇزىلۋىنا جول بەرمەي، اۋرۋدىڭ الدىن الادى. ماسەلەن، انتيوكسيدانتتار دامدەۋىشتەردىڭ ءسال عانا مولشەرىندە ءبىر ستاكان جەمىس- جيدەكتەگى مولشەرىنەن دە كوبىرەك كەزدەسەدى ەكەن.

 

دەرەككوزى: ​orthodox.od.ua