الەۋمەتتىك جەلىلەردە كوپ وتىرۋ دەپرەسسياعا الىپ كەلەدى - عالىمدار

استانا. قازاقپارات - الەۋمەتتىك جەلىلەردە كوپ وتىرۋ ءوزىڭدى جالعىز سەزىنۋگە جانە دەپرەسسياعا الىپ كەلەدى.

بۇل تۋرالى ا ق ش- تاعى پەنسيلۆانيا ۋنيۆەرسيتەتىنىڭ پسيحولوگتارى ايتتى، دەپ حابارلايدى قازاقپارات.

عالىمدار Journal of Social and Clinical Psychology جۋرنالىندا الەۋمەتتىك جەلىلەردىڭ ادام ومىرىنە اسەرىن زەرتتەۋ ناتيجەلەرىن جاريالادى.

عالىمدار وزدەرىنىڭ زەرتتەۋلەرىن فەيسبۋك، Instagram جانە Snapchat سياقتى الەۋمەتتىك جەلىلەردى بەلسەندى قولداناتىن 143 ستۋدەنت اراسىندا جۇرگىزگەن.

ولار جاستاردى ەكى توپقا بولگەن. ءبىرىنشى توپ ءومىرىن وزگەرتپەي الەۋمەتتىك جەلىلەردى سول قالپىندا ەركىن جانە شەكتەۋسىز قولدانا بەرگەن. ال ەكىنشى توپ مۇشەلەرى كۇنىنە تەك 10 مينۋت عانا الەۋمەتتىك جەلىدە وتىرعان. ەكسپەريمەنت ءۇش اپتاعا سوزىلعان.

ساۋالناماعا قاتىسقان قىزدار مەن جگىتتەر 7 كورسەتكىش، ياعني جالعىزدىق، الەۋمەتتىك قولداۋ، دەپرەسسيا، ءوزىڭدى قابىلداۋ، وزگەلەر الدىندا ءوزىڭدى ءتۇسىرۋ، كۇيگەلەكتەنۋ، ءوز-ءوزىن باعالاۋ بويىنشا باعالانعان.

زەرتتەۋ قورىتىندىسىنا قاراعاندا، الەۋمەتتىك جەلىلەردە كوپ وتىراتىندار وزدەرىن جالعىز سەزىنگەن جانە دەپرەسسياعا كوبىرەك تۇسكەنى بايقالعان.