بايقوڭىردان عارىشقا اتتاناتىن ەكيپاج شتاتتان تىس جاعدايلارمەن جۇمىس ىستەۋدە
«روسكوسموس عارىشكەرى ولەگ كونونەنكو، كانادا عارىش اگەنتتىگىنىڭ استروناۆتى داۆيد سەن-جاك جانە ناسا استروناۆتى ەنن ماككلەين، سونداي-اق ولاردىڭ دۋبلەرلارى - روسكوسموس عارىشكەرى الەكساندر سكۆورتسوۆ، ەۋروپا عارىش اگەنتتىگىنىڭ استروناۆتى لۋكا پارميتانو جانە ناسا استروناۆتى ەندريۋ مورگاننان قۇرىلعان 58/59 ەكسپەديتسياسىنىڭ نەگىزگى ەكيپاجى ەمتيحاندىق سەسسيانى اياقتاۋعا جاقىن»، - دەپ ءمالىم ەتتى عارىشكەرلەردى دايارلاۋ ورتالىعىنىڭ باسپا ءسوز قىزمەتىنەن.
عارىشكەرلەر مەن استروناۆتار جاتتىعۋ كەزىندە بايلانىس قۇرالدارىنىڭ پروبلەماسى، ستانسانى وتتەگىمەن قامتاماسىز ەتۋ جۇيەسىنىڭ ىستەن شىعۋى سىندى شتاتتان تىس جاعدايلاردى ەڭسەرۋى ءتيىس بولدى.
ەمتيحان قابىلداۋ كوميسسياسىنىڭ قورىتىندىسى بويىنشا، قوس ەكيپاجدىڭ كومانديرلەرى مەن بورتينجەنەرلەرى الدارىنا قويىلعان مىندەتتەردى جاقسى ورىنداپ شىقتى.
ەندى ح ع س-58/59 ءدىڭ نەگىزگى جانە قوسالقى ەكيپاجدارى ح ع س- ءتىڭ رەسەيلىك سەگمەنتىنىڭ جانە «سويۋز» كولىكتىك باسقارىلاتىن كەمەسىنىڭ ترەناجەرلارىندا كەشەندى ەمتيحاندىق جاتتىعۋلار وتكىزەدى.
«سويۋز مس-11» كولىكتىك باسقارۋ كەمەسى بار «سويۋز-ف گ» زىمىران تاسىعىشىن بايقوڭىردان ۇشىرۋ 2018-جىلدىڭ 3- جەلتوقسانىنا بەلگىلەنىپ وتىر.
ەسكە سالا كەتسەك، 2018-جىلعى 11- قازان كۇنى 14 ساعات 40 مينۋت 15 سەكۋندتا بايقوڭىر عارىش ايلاعىنان «سويۋز مس-10» كولىكتىك باسقارىلاتىن كەمەنى وربيتاعا الىپ شىعۋى ءتيىس «سويۋز ف گ» زىمىران تاسىعىشى ۇشىرىلعان بولاتىن. الايدا ستارت بەرىلگەن سوڭ بىرنەشە مينۋتتان كەيىن روسكوسموس سايتىنداعى تىكەلەي كورسەتىلىم ءۇزىلىپ، ديكتور «زىمىران تاسىعىشتىڭ اپاتقا ۇشىراعانىن» حابارلادى.
سول كۇنى ءتۇس اۋا ق ر ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر عارىشكەرلەردىڭ ءدىن-امان تابىلعانىن جەتكىزدى. عارىش كەمەسىنىڭ بولشەكتەرى قاراعاندى وبلىسىنىڭ ۇلىتاۋ اۋدانى اۋماعىنان تابىلدى.
كەيىن «سويۋز ف گ-10» - نىڭ ساتىلارى قۇلاعان جەردىڭ راديواكتيۆتى جانە حيميالىق احۋالى نورماعا ساي ەكەندىگى جانە قۇرباندار مەن زارداپ شەككەندەر جوقتىعى حابارلاندى.