قازاقستاننىڭ وڭتۇستىك-شىعىس وڭىرىندە جەل كۇشەيىپ، بۇرقاسىن سوعادى

استانا. قازاقپارات - بۇگىن قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى جاۋىن-شاشىن ساقتالادى، وڭتۇستىك-شىعىس وڭىردە جانە باتىستا ەكپىندى جەل مەن بۇرقاسىن بولادى.

كەي جەرلەردە تۇمان، كوكتايعاق كۇتىلەدى، دەپ حابارلايدى قازگيدرومەت.

قاراعاندى، شىعىس قازاقستان وبلىستارىنىڭ كەي جەرلەرىندە تۇمان، بۇرقاسىن كۇتىلەدى، جەلدىڭ جىلدامدىعى 15-20 م/س- عا دەيىن كۇشەيەدى، شىعىس قازاقستان وبلىسىنىڭ كەي جەرلەرىندە كوكتايعاق بولادى.

سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق بولادى.  قىزىلوردا، باتىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى، كۇندىز جەلدىڭ جىلدامدىعى 15-20 م/س- عا دەيىن كۇشەيەدى.

اقمولا، قوستاناي، پاۆلودار، ماڭعىستاۋ، اتىراۋ، جامبىل، الماتى وبلىستارىنىڭ كەي جەرلەرىندە تۇمان كۇتىلەدى، كۇندىز جامبىل، الماتى وبلىستارىندا جەلدىڭ جىلدامدىعى 15-20 م/س- عا دەيىن كۇشەيەدى.