كيليان مباپپە ەكى رەت گيننەستىڭ رەكوردتار كىتابىنا ەندى

استانا. قازاقپارات - پ س ج جانە فرانسيا ۇلتتىق قۇراماسىنىڭ شابۋىلشىسى كيليان مباپپە ەكى رەت گيننەستىڭ رەكوردتار كىتابىنا ەندى.

بۇل رەكوردتار 19 جاستاعى شابۋىلشىنىڭ 2017 -جىلعى ۇزدىك ناتيجەلەرىنە بايلانىستى بەرىلگەن. ول وتكەن ماۋسىمدا چەمپيوندار ليگاسىنىڭ جارتىلاي فينالىندا ەڭ ۇزدىك گولدىڭ اۆتورى اتانعان ەڭ جاس ويىنشى بولدى.

«مونوكا» ساپىندا ءجۇرىپ، اتالعان گولدى «يۋۆەنتۋس» قاقپاسىنا سوققاندا مباپپەنىڭ جاسى 18 جىل 140 كۇن بولعان. سونىمەن قاتار، شابۋىلشى 2017 -جىلى 9 -قازاندا ەڭ جاس (18 جىل 293 كۇن) ويىنشى رەتىندە «التىن دوپ» ۇمىتكەرلەرى تىزىمىنە ەنگەن.

ەسكە سالا كەتەيىك، جاقىندا كليان مباپپە حالىقارالىق سپورتتىق زەرتتەۋ ورتالىعى (CIES) جاريالاعان الەمدەگى ەڭ قىمبات فۋتبولشىلاردىڭ رەيتينگىسىندە كوش باستاعان بولاتىن. ونىڭ ترانسفەرلىك قۇنى 216,5 ميلليون ەۋروعا باعالانعان.