08:59, 09 - قاراشا 2018 | GMT +5
نىسانا كوزدەۋ: قازاقستان كومانداسى - ازيا چەمپيوناتىنىڭ قولا جۇلدەگەرى
استانا. قازاقپارات - كۋۆەيتتە ءوتىپ جاتقان نىسانا كوزدەۋدەن ازيا چەمپيوناتىندا قازاقستان قولا مەدال جەڭىپ الدى، دەپ حابارلايدى قازاقپارات ءتىلشىسى.
ق ر ۇلتتىق وليمپيادا كوميتەتى باسپا ءسوز قىزمەتىنىڭ حابارلاۋىنشا، پنيەۆماتيكالىق تاپانشامەن 10 مەتردى كوزدەگەن كوماندالار اراسىندا قازاقستان جاس وسپىرىمدەر قۇراماسى قولا مەدال يەلەندى.
اتالعان سىندا قازاقستان كومانداسىنىڭ نامىسىن نيكيتا چيريۋكين، ەلدار يمانقۇلوۆ جانە ياروسلاۆ ماحنيەۆ قورعاعان بولاتىن.
ءبىرىنشى ورىندى ءۇندىستان، ەكىنشى ورىندى قىتاي كوماندالارى يەلەندى.
اۆتور: كۇنسۇلتان وتارباي