قازاقستاننىڭ باسىم بولىگىندە جەل كۇشەيىپ، قار جاۋادى

استانا. قازاقپارات - بۇگىن قازاقستان اۋماعىنىڭ باسىم بولىگىندە قۇبىلمالى اۋا رايى ساقتالادى. اتموسفەرالىق فرونتتاردىڭ وتۋىنە بايلانىستى جاڭبىر، قار جاۋادى دەپ كۇتىلەدى، دەپ حابارلايدى قازگيدرومەت.

سولتۇستىك قازاقستان، شىعىس قازاقستان، پاۆلودار وبلىستارىنىڭ كەي جەرلەرىندە تۇمان، كوكتايعاق، بۇرقاسىن كۇتىلەدى. باسىم بولىگىندە تۇندە جەلدىڭ جىلدامدىعى 15-20، كەي جەرلەرىندە ەكپىنى 23-28 م/س- عا جەتەدى، كۇندىز كەي جەرلەرىندە 15-20 م/س بولادى.

قاراعاندى، قوستاناي وبلىستارىنىڭ كەي جەرلەرىندە تۇمان، بۇرقاسىن كۇتىلەدى، جەلدىڭ جىلدامدىعى 15-20 م/س- عا دەيىن كۇشەيەدى، قوستاناي وبلىسىنىڭ كەي جەرلەرىندە كوكتايعاق كۇتىلەدى.

اقمولا وبلىسىنىڭ كەي جەرلەرىندە كوكتايعاق، بۇرقاسىن كۇتىلەدى، كەي جەرلەردە جەلدىڭ جىلدامدىعى 15-20 م/س- عا، تۇندە ەكپىنى 25 م/س- عا دەيىن كۇشەيەدى.

الماتى وبلىسىنىڭ كەي جەرلەرىندە تۇمان، كوكتايعاق كۇتىلەدى.

قىزىلوردا، جامبىل وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيىپ، تۇمان كۇتىلەدى.

باتىس قازاقستان، تۇركىستان وبلىستارىنىڭ كەي جەرلەرىندە تۇمان كۇتىلەدى.