ۇلتتىق ەكونوميكا ءمينيسترى مونوپولياعا قارسى كوميتەت جۇمىسىن كۇشەيتۋدى تاپسىردى
قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ توراعالىعىمەن اعىمداعى جىلعى 7 قاراشادا اقوردادا وتكىزىلگەن قاۋىپسىزدىك كەڭەسىنىڭ تكش سالاسىنداعى تاريف تۇزىلۋىنە ارنالعان وتىرىسىنىڭ قورىتىندىسى بويىنشا قازاقستان رەسپۋبليكاسىنىڭ ۇلتتىق ەكونوميكا ءمينيسترى تيمۋر سۇلەيمەنوۆ مينيسترلىكتىڭ جانە تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ باسشىلىعىمەن جۇمىس ءماجىلىسىن وتكىزدى.
مينيستر تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنە ناقتى مەرزىم ىشىندە، ونىڭ ىشىندە زاڭناما نورمالارىن تۇزەتۋدى كوزدەيتىن جەدەل ءىس-قيمىل جوسپارىن ازىرلەۋدى تاپسىردى.
سونداي-اق، كوميتەتكە جۇمىس ءتاسىلىن وزگەرتۋ بويىنشا ناقتى ۇسىنىستار ازىرلەۋ جانە اۋماقتىق دەپارتامەنتتەرمەن ءوزارا ءىس-قيمىلدى باقىلاۋدى كۇشەيتۋدى مىندەتتەدى.
ءماجىلىس قورىتىندىسىندا، تيمۋر سۇلەيمەنوۆ تاريف بەلگىلەۋدى رەتتەۋ، باقىلاۋ جانە قاداعالاۋ جۇيەسى بويىنشا جۇرگىزىلگەن جۇمىستاردىڭ ساپاسىن ارتتىرۋدىڭ، ت ك ش سالاسىنداعى تابيعي مونوپوليالار سۋبەكتىلەرىنىڭ قىزمەتىن تالداۋدى جۇرگىزۋدىڭ قاجەتتىگىن اتاپ كورسەتتى.
