ەلباسى مونوپولياعا قارسى كوميتەت باسشىسىنا سوگىس جاريالادى
بۇگىن اقوردادا قاۋىپسىزدىك كەڭەسىنىڭ وتىرىسىندا پرەزيدەنت ەنەرگەتيكا مينيسترلىگى، ۇلتتىق ەكونوميكا مينيسترلىگى جانە مونوپولياعا قارسى ۆەدومستۆو باسشىلارىنىڭ باياندامالارىن تىڭدادى.
ەلباسى 2009 -جىلى قازاقستاندا «ينۆەستيتسيا ورنىنا - تاريف» جوباسى قابىلدانعانىن، جەتى جىلدىڭ ىشىندە ول مونوپوليستەرگە وزدەرىنىڭ وندىرىستەرىن جاڭعىرتۋ ءۇشىن ميللياردتاعان قارجى تابۋعا مۇمكىندىك بەرگەنىن اتاپ ءوتتى. الايدا ينۆەستيتسيالاۋ مەن قۋاتتاردى جاڭارتۋدىڭ ورنىنا ءىرى ەنەرگەتيكالىق كومپانيالار تۇتىنۋشىلار ەسەبىنەن زاڭسىز تۇردە داۋلەتىن ارتتىرىپ كەلگەن. وسى ورايدا پرەزيدەنت تاريفتەردى زاڭسىز كوتەرگەن مونوپوليستەردى جازالاۋدى تالاپ ەتتى.
«ماسەلە وسىنشالىقتى وزەكتى بولىپ تۇر. مونوپولياعا قارسى كوميتەت ءتوراعاسى، وسى ماسەلەنى تۇزەتە الاسىڭ با؟ الدە، قىزمەتىڭنەن كەتەسىڭ بە؟»، - دەدى پرەزيدەنت كوميتەت ءتوراعاسى ازامات مايتيەۆكە قاراتا ايتقان سوزىندە.
ءوز كەزەگىندە ۆەدومستۆو باسشىسى سالادا تۋىنداعان جاعدايدى تۇزەتۋگە قاۋقارلى ەكەنىن جەتكىزدى.
سونىمەن قاتار ۇلتتىق ەكونوميكا ءمينيسترى تيمۋر سۇلەيمەنوۆ ءوزىنىڭ باعىنىشتى قىزمەتكەرى اتالعان ماسەلەنى شەشەتىنىن ايتىپ، وعان بولىستى.
«وندا سوگىس جاريالاۋمەن شەكتەلەيىك. جاعدايدى رەتتە، كىنالىلەردى جازاعا تارت. وسىدان كەيىن قابىلدانعان شارالاردى ماعان باياندا»، - دەدى نۇرسۇلتان نازاربايەۆ ق ر ۇ ە م باسشىسىنا.
جالپى، پرەزيدەنت بۇگىنگى وتىرىستا مەم ورگاندار باسشىلارىنا سوڭعى ەسكەرتۋ جاسادى.
«وسى ءىس بويىنشا بوزىمبايەۆ تا (ەنەرگەتيكا ءمينيسترى)، ەكونوميكا مينيسترلىگى مەن مونوپولياعا قارسى كوميتەت تە قاتاڭ جازاعا لايىقتى. بارلىعىنا ەسكەرتۋ جاسايمىن. كەلەسى جولى ءتيىستى شارالار قابىلدانادى»، - دەپ ءتۇيدى مەملەكەت باسشىسى.
اۆتور: رۋسلان عابباسوۆ