قايرات قوجامجاروۆ مونوپوليستەردى تەكسەرۋ ناتيجەسىنىڭ جاعا ۇستاتارلىق دەرەكتەرىن جاريالادى

استانا. قازاقپارات - ق ر باس پروكۋرورى قايرات قوجامجاروۆ تابيعي مونوپوليالار سۋبەكتىلەرى جۇمىسىنا جۇرگىزىلگەن اۋقىمدى تەكسەرۋدىڭ ناتيجەسىن جاريا ەتتى، دەپ حابارلايدى قازاقپارات ءتىلشىسى.

«مونوپوليستەردىڭ رەسمي ەسەپ- قيسابى بويىنشا وندىرىستىك كورسەتكىشتەردى جاقسارتۋ بويىنشا شىعىندارعا 1 تريلليون تەڭگە الىنعان. ءبىراق، ءىس جۇزىندە قۇرال- جابدىقتاردىڭ توزۋى جوعارى دەڭگەيدە قالىپ وتىر. ءتۇرلى باعالاۋعا سايكەس ەل بويىنشا توزۋ دەڭگەيى 63 تەن 54 پايىزعا دەيىن قۇرايدى. وسى ۋاقىتتا الماتى ج ە س- ءىنىڭ توزۋى 70 پايىزعا دەيىن، قاپشاعاي مەن ەكىباستۇز ج ە س- ءىنىڭ توزۋى 79 پايىزعا دەيىن جەتىپ وتىر»، - دەدى ول بۇگىن ق ر قاۋىپسىزدىك كەڭەسىنىڭ وتىرىسىندا.

ونىڭ ايتۋىنشا، 2016 -جىلى «ينۆەستيتسيانىڭ ورنىنا تاريف» باعدارلاماسى اياقتالعاننان كەيىن ءتاريفتىڭ كۇتىلگەن تومەندەۋى ورىن العان جوق.

 «وندىرۋشىلەر قازاقستاندىقتارعا ەنەرگيانى قوسارلانعان ستاۆكامەن، ياعني، بۇرىنعى جوعارى تاريفپەن جەتكىزۋىن جالعاستىرا بەردى. ولاردىڭ تەك 15 عانا تەكسەرۋ ارتىق كىرىستىڭ 51,5 ميلليارد تەڭگەدەن اسىپ جىعىلعانىن انىقتادى. ەنەرگيا قۋاتى بويىنشا مۇلدەم ءارتۇرلى كومپانيالار ءۇشىن بىردەي شەكتى تاريف زاڭسىز بەكىتىلگەن. وزىندىك قۇنى تومەن ەنەرگيا وندىرەتىن كاسىپورىندار شىعىن جوعارى وندىرۋشىلەر توبىمەن زاڭسىز بىرىككەن»، - دەدى قايرات قوجامجاروۆ.

ونىڭ ايتۋىنشا، ەلىمىزدىڭ ەنەرگەتيكا مينيسترلىگى ەنەرگيا وندىرەتىن كاسىپورىنداردى جاڭعىرتۋ باعدارلاماسىنىڭ تيىمدىلىگىن باعالاماعان، مونيتورينگ جۇرگىزبەگەن. مونوپوليستەر ۇسىنعان ەسەپ- قيساپتىڭ دۇرىستىعىن تەكسەرمەگەن.

 «جوعارىلاتىلعان ءتاريفتى بەكىتۋ تۋرالى شەشىم حالىقتىڭ مۇددەسىنە شىعىن كەلتىرە وتىرا ولاردىڭ شىعىستارىنىڭ قىسقارعاندىعىن ەسكەرمەستەن قابىلدانعان. سوندىقتان ءبىز ەنەرگەتيكا مينيسترلىگىنىڭ زاڭسىز بۇيرىقتارىنا نارازىلىق ەنگىزدىك. قازىر ولار قارالۋ ساتىسىندا»، - دەدى باس پروكۋرور.

اۆتور: مارلان جيەمباي