ەلباسى: ەنەرگيا تاريفىنە قاتىستى ماسەلە الاڭداۋشىلىق تۋدىرىپ وتىر
«جولداۋدا حالىقتىڭ ءال- اۋقاتىن كوتەرۋگە قاتىستى نەگىزگى باسىمدىقتار اتالىپ ءوتتى. بۇل جۇمىستار حالىقتىڭ الەۋمەتتىك جاعدايىن كوتەرۋگە نەگىزدەلدى. سوندىقتان كوممۋنالدىق قىزمەت جونىندەگى شارۋانى باس پروكۋرورعا تەكسەرۋگە تاپسىرما بەردىم. سايكەسىنشە، ءتيىستى تەكسەرۋ جۇرگىزىلىپ، ونىڭ ناتيجەسى وتە كۇردەلى بولعاننان كەيىن، وسى ماسەلەنى قاۋىپسىزدىك كەڭەسىنىڭ وتىرىسىنا شىعارىپ، سىزدەرمەن تالقىلاۋدى ۇيعاردىم. بۇل تۇرعىدا تۇرعىنداردىڭ ءال- اۋقاتىنا قاتىسى بار ەلەكتر قۋاتى مەن جىلۋ تاريفى ماسەلەسىن قارايتىن بولامىز»، - دەپ توقتالدى ەلباسى.
وسى ورايدا پرەزيدەنت جولداۋدا تابيعي مونوپوليا قىزمەتىنىڭ ءتاريفىن بەلگىلەۋ بويىنشا ءتارتىپتى ورناتۋ تۋرالى ادەيى تاپسىرما بەرگەنىن ەسكە سالىپ ءوتتى.
«باس پروكۋراتۋرا تەكسەرىسىنىڭ ناتيجەسى قاتتى الاڭداتادى»، - دەپ اتاپ ءوتتى مەملەكەت باسشىسى.
بۇدان بۇرىن حابارلانعانداي، جاقىندا ق ر باس پروكۋرورى قايرات قوجامجاروۆ كوممۋنالدىق تاريفتەر سالاسىنا جۇرگىزىلگەن تەكسەرۋدىڭ ناتيجەسىن جاريالادى.
«استاناەنەرگوسبىت» نەگىزسىز ءتاريفتىڭ ارقاسىندا ەلوردا تۇرعىندارىنان 2,6 ميلليارد تەڭگەگە ارتىق قارجى العانى ءمالىم بولدى.
اۆتور: رۋسلان عابباسوۆ
