قازاقستان حوككەيشىلەر ماتچىندا جاپپاي توبەلەس بولدى

استانا. قازاقپارات - حوككەيدەن قازاقستان قۇراماسىنىڭ بۇرىنعى باپكەرى اندرەي نازاروۆتىڭ قازىرگى كەزدە جاتتىقتىرىپ وتىرعان «نەفتەحيميك» پەن «سالاۆات يۋلايەۆ» كوماندالارى (2:3) اراسىندا جاپپاي توبەلەس بولدى، دەپ جازادى sports.kz.

ويىننىڭ ءۇشىنشى كەزەڭىنىڭ سوڭىندا ۋفالىقتاردىڭ فورۆاردى ەدۋارد گيماتوۆ پاۆەل زدۋنوۆقا قارسى كۇش قولدانعان.

زدۋنوۆقا بولىسقان كوماندالىق دوسى گلەب سەمەنوۆ گيماتوۆقا تارپا باس سالدى. سونىمەن بىرگە، رافاەل بيكمۋللين مەن ستانيسلاۆ گارەيەۆ جاعا جىرتىستى.

اقىرى گيماتوۆ زدۋنوۆقا قارسى فول ءۇشىن «5+20» جانە توبەلەس شىعارعانى ءۇشىن بەس مينۋت ويىننان تىس قالدى.

ال سەمەنوۆ ماتچتىڭ سوڭىنا دەيىن شىعارىلسا، بيكمۋللين مەن گارەيەۆ تەك توبەلەس ءۇشىن جازالاندى.