تۇرىكتىڭ «عالامات عاسىر» تەلەحيكاياسى جايلى قىزىقتى دەرەكتەر
ونىڭ تۋعان كۇنى دەرەكتەردە ءارتۇرلى كورسەتىلەدى، ءبىراق كوپ جاعدايدا 1494-جىلدىڭ 6 قاراشاسى نەمەسە 1495-جىلدىڭ 27- ءساۋىرى ايتىلادى. وسى داتاعا وراي سۇلەيمەن سۇلتانعا ارنالىپ تۇسىرىلگەن ەڭ تانىمال تۇرىك سەريالى «عالامات عاسىر» تۋرالى دەرەكتەر ۇسىنعاندى ءجون كوردىك.
ونىڭ ەكرانعا شىعۋى كوپتەگەن ەلدەر كورەرمەندەرىن بەيجاي قالدىرمادى. ولاردىڭ قاتارىندا ءوزىمىزدىڭ قازاقستاندىقتار دا از ەمەس. كورەمەننىڭ كەيبىرى سيۋجەتتەگى وقىس وزگەرىستەرگە قىزىعا قاراسا، تاريحشىلار شىندىقتان اۋىتقىعانىن ايتىپ، قارسىلىق ءبىلدىرىپ تە جاتتى.
ەندەشە، «عالامات عاسىر» تەلەحيكاياسى جايلى قىزىقتى فاكتىلەرگە نازار سالىڭىز.
4000000 تۇرىك ليراسى
سەريال بيۋجەتى شامامەن 2 ميلليون دوللاردى قۇرايدى. بۇل قاراجات اتاقتى اكتەرلەرگە كەتكەن جوق (الايدا حاليت ەرگەنچ تۇركيادا ەڭ كوپ اقى تولەنەتىن اكتەر)، ونىڭ كوپشىلىگى دەكوراتسيا مەن كەرەمەت كوستيۋمدەرگە كەتتى.
5000 شارشى مەتر
سەريالدىڭ ءتۇسىرىلىم پاۆيلونىنا اينالعان توپكاپى تۇرىك سارايىنىڭ اۋماعى شامامەن 5000 شارشى مەتردى قۇرايدى. ساياحاتتاپ بارعاندا بۇل سارايعا كىرگەن كەز كەلگەن ايەل ءوزىن حيۋررەمدەي سەزىنە الادى.
54 مەملەكەت
سۋلەيمەن مەن حيۋررەم ءومىرىنىڭ قيىن-قىستاۋ كەزەڭىن 50 ەلدىڭ كورەرمەندەرى قارايتىندىعى بەلگىلى بولدى.
19 جاس
اكتەر مەحمەت گۋنسۋرۋ ءوزىنىڭ 37 جاسىندا 18 جاسار مۋستافانىڭ ءرولىن ويناعان. مەحمەت ەكرانداعى اكەسىنەن (حاليت ەرگەنچتەن) 5 جاسقا عانا كىشى ەكەن.
16 ساعات
اڭىز-سەريالدى جاساۋ ءۇشىن كوپتەگەن ساعاتتار بويى جۇمىس ىستەۋ كەرەك بولدى. سوندىقتان ءتۇسىرىلىم توبى تاۋلىگىنە 16 ساعاتتان جۇمىس ىستەگەن. كەيدە اكتەرلەر شارشاعاننان ءتۇسىرىلىم الاڭىندا قۇلاپ قالاتىن بولعان.
مىسالى، قاتتى شارشاعان بالي-بەي ءرولىن وينايتىن بۋراك وزچيۆيت ءتۇسىرىلىم كەزىندە اتتىڭ ۇستىنەن قۇلاپ تۇسكەن. ال ەكرانداعى قارسىلاستار مەرەم ۋزەرلي مەن نۋر ايسان (ماحيديەۆران) ۇيقى ازدىعىنان وزدەرىنىڭ كەرەمەت كويلەكتەرىنىڭ ەتەكتەرىنە ءسۇرىنىپ، كامەرا الدىندا بىرنەشە رەت قۇلاعان ساتتەر بولعان.
2200 شارشى مەتر
حيۋررەم مەن سۇلەيمەن تۋرالى «عالامات عاسىر» سەريالى ءوز كورەرمەندەرىن قۋانتۋدى جالعاستىرۋدا.
ىستامبۇلدا وعان ارنالعان كورمە بار. ونىڭ اۋماعى 2200 شارشى مەتردى قۇرايدى جانە «عالامات عاسىر» سەريالىنداعى 20 بولمەنىڭ كوشىرمەسى بەينەلەنگەن. تۇركياعا دەمالىپ بارساڭىز، ۋاقىت تاۋىپ، شىعىس كەرەمەتىن كورۋ ءۇشىن كورمەگە بارۋىڭىزعا بولادى.
ول جەردە ادەمى كوستيۋمدەردى، اشەكەيلەردى كورۋگە مۇمكىندىك بار. 47 ماراپات سەريالدىڭ ءساتتى 4 ماۋسىمى وعان 47 ماراپات پەن ءتۇرلى نوميناتسيالار الىپ كەلدى. ال سەريالدىڭ نەگىزگى كەيىپكەرىنىڭ ءبىرى حيۋررەمگە ۇلكەن اتاق اكەلدى.
2500 كيىم ءتۇرى
باستى كەيىپكەرلەردىڭ كوستيۋمدەرىن تىگۋ ءۇشىن 7 دارىندى سانگەر جۇمىس ىستەگەن. بارلىعى 2500 كيىم ءتۇرى تىگىلگەن. جالپى ۇزىندىعى 15 مىڭ مەتر ماتا كەتكەن.
Massaget.kz