ارابتار قىزىلوردادان تۇيەلەردى ۇشاقپەن اكەتۋدە

قازالى. قازاقپارات - قىزىلوردا وبلىسى قازالى اۋدانىنان وتىزعا جۋىق تۇيە بىرىككەن اراب امىرلىگىنە ەكسپورتتالدى، دەپ حابارلايدى قازاقپارات ءتىلشىسى.

تۇيەلەر «جەڭىس» شارۋا قوجالىعىنا تيەسىلى. قوجالىق باسشىسى ەسەت سەرىموۆتىڭ ايتۋىنشا، اراب تۇبەگىنەن كەلگەن كاسىپكەرلەردىڭ كوزى «ءبىر تۋعان نار» دەپ اتالاتىن تۇيە تۇقىمىنا تۇسكەن. بۇل تۇيە قازاقتىڭ ايىر وركەشتى تۇيەسى مەن تۇركىمەندەردىڭ تۇيەسىمەن بۋدانداستىرۋ ارقىلى الىنعان.

«ارابتار «ءبىر تۋعان ناردىڭ» 1-2 جاسارىن جانە اسىل تۇقىمدى ايىر وركەشتىنىڭ دە بىرنەشەۋىن الدى. بىرىككەن اراب امىرلىگىنىڭ تابيعاتى قاتال، جازى اپتاپ ىستىق، سۋسىز ءشول دالا. سوندىقتان، جەرگىلىكتى تۇرعىندار ءتوزىمدى تۇيە تۇلىگىن وسىرگەندى قولايلى كورەدى. ءبىزدىڭ تابيعات ول جاققا ۇقساس ەكەن. سول ءۇشىن اراب كاسىپكەرلەرى سىر ءوڭىرىنىڭ تۇيەلەرىنە قىزىعىپ وتىر»، - دەيدى كاسىپكەر ەسەت سەرىموۆ.

ب ا ءا كاسىپكەرلەرى «جەڭىس» شارۋا قوجالىعىنان 20 باس جانە تاعى ءبىرقاتار كاسىپكەردەن 9 باس تۇيە ساتىپ العان. ولار الداعى ۋاقىتتا قازاقستانعا تاعى دا كەلىپ، ساۋدالاسۋدى جوسپارلاپ وتىر.

جالپى، ب ا ءا- دەن كەلگەن قوناقتار  قىزىلوردا وبلىسى بويىنشا 100 تۇيە ساتىپ العان. ولاردى ەلىنە اكەتۋ ءۇشىن ۇشاق جالداعان.