نۇرسۇلتان نازاربايەۆ استاناداعى تەحنوپارك جۇمىسىن رەسمي ىسكە قوستى
شاراعا ق ر ۇكىمەت باسشىسى باقىتجان ساعىنتايەۆ، ەستونيا پرەمەر- ءمينيسترى يۋري راكتاس، حالىقارالىق ІТ - قوعامداستىعىنىڭ نەگىزگى وكىلدەرى، تەحنولوگيا سالاسىندا تانىلعان ساراپشىلار، كاسىپورىن باسشىلارى، تەحنولوگيالىق كاسىپكەرلەر، سونداي- اق ءبىرقاتار ەلدىڭ مەملەكەتتىك سەكتورلارىنىڭ وكىلدەرى، عالىمدار، سيفرلىق ازىرلەمەلەر سالاسىنىڭ ماماندارى، ۆەنچۋرلىق ينۆەستورلار قاتىسۋدا.
«بۇگىن ءبىز Astana Hub-تى اشىپ وتىرمىز. بۇل قازاقستاننىڭ سيفرلىق الەمى ءۇشىن عانا ەمەس تولىقتاي العاندا ماڭىزدى وقيعا سانالادى. بارلىقتارىڭىزدى يننوۆاتسيانى دامىتۋعا بەلسەندى قاتىسۋعا شاقىرامىن جانە Astana Hub كومپانيالار ءۇشىن الەمدىك تانىمالدىققا يە بولۋ جولىنداعى ترامپلينگە اينالارىنا سەنىمدىمىن. ءبىز كۇش بىرىكتىرۋ ارقىلى بارلىق العا قويىلعان ماقساتتارعا جەدەل ءارى ءتيىمدى قول جەتكىزە الاتىندىعىمىزعا سەنىمىم مول. ال ماقسات بەلگىلى - قازاقستاندىقتار بۇكىل الەمنەن ارتتا قالىپ قويماۋى كەرەك»، - دەدى نۇرسۇلتان نازاربايەۆ.
ەلباسى بۇگىندە قازاقستان پوستكەڭەستىك ەلدەرى ىشىندە رەفورمالار قارقىنى، جان باسىنا شاققانداعى ەكونوميكا كولەمى مەن دامۋى بويىنشا الدىڭعى قاتارلى مەملەكەتكە اينالعانىن باسا ايتتى.
ايتا كەتەيىك، Astana Hub ميسسياسى - ەل ەكونوميكاسىن نىعايتۋ ءۇشىن ستارتاپ- مادەنيەتتى دامىتۋ جانە جوعارى تەحنولوگيالىق جوبالاردى قولداۋ. الداعى ۋاقىتتا تەحنوپارك قازاقستان يننوۆاتسياسىنىڭ ەكوجۇيەسىن دامىتۋدىڭ وزەگى ءارى لوكوموتيۆىنە اينالىپ، تەحنولوگيالىق بيزنەستى دامىتۋ ءۇشىن حالىقارالىق دەڭگەيدە مويىندالعان حاب بولۋى قاجەت. جالپى Astana Hub 2022-جىلعا قاراي ستارتاپ- رەزيدەنتتەردى ينۆەستيتسيالاۋ كورسەتكىشىن 67 ميلليارد تەڭگەگە جەتكىزۋدى ماقسات ەتىپ وتىر.
اۆتور: مارلان جيەمباي