كۋبا باسشىسى سولتۇستىك كورەيادا كيم چەن ىنمەن كەزدەستى

استانا. قازاقپارات -  كۋبا باسشىسى ميگەل دياس- كانەل سولتۇستىك كورەياعا رەسمي ساپارمەن بارىپ، وسى مەملەكەتتىڭ جەتەكشىسى كيم چەن ىنمەن كەزدەستى.

 

 ازىرگە ەكى ەل باسشىسىنىڭ جۇزدەسۋى كەزىندە قانداي ماسەلەلەر قاراستىرىلعانى بەلگىسىز. ءبىراق اقپارات قۇرالدارىنىڭ حابارلاۋىنشا، تاراپتار ەكىجاقتى قارىم- قاتىناستى دامىتىپ، كەڭەيتۋ ماسەلەلەرىن تالقىلاعان. كۋبا جەتەكشىسىنىڭ ساپارى ءۇش كۇنگە سوزىلماق. وسىدان كەيىن ول ۆەتنام مەن لاوسقا ساپار شەگەدى. ايتا كەتەيىك، 57 جاستاعى ميگەل دياس- كانەل بيىل ءساۋىر ايىندا بيلىك باسىنا كەلگەن بولاتىن. ول كۋبانى 2008 -جىلدان بەرى باسقارعان 86 جاستاعى راۋل كاسترونى اۋىستىرعان ەدى.

www.24.kz