ەكى اي بۇرىن قايتىس بولىپ جەرلەنگەن اتىراۋلىق ازامات ۇيىنە ورالدى
بۇل تۋرالى قازاقپارات اتالعان ۆەدومستۆانىڭ باسپا ءسوز قىزمەتىنە سىلتەمە جاساپ حابارلايدى.
كوميسسيا ءتيىستى تەكسەرىس جۇرگىزىپ، ناتيجەسى بويىنشا قوسىمشا اقپارات بەرەدى.
«قازىرگى ۋاقىتتا اتىراۋ قالالىق پروكۋراتۋراسى ق ر ق پ ك 183-بابى 1-بولىمىنە (ب ا ق- تا جاريالانعان اقپارات، سوتقا دەيىنگى تەرگەپ- تەكسەرۋدىڭ باستالۋىنا سەبەپ بولا الادى) سىلتەمە جاساي وتىرىپ، ماتەريالدى سوتقا دەيىنگى ءبىرىڭعاي رەەسترگە تىركەدى. 4 - قاراشادا س ج ق ۇ ب قىزمەتكەرلەرى سوت- مەديتسينالىق ساراپشىسىنىڭ قاتىسۋىمەن ءمايىتتىڭ ەكسگۋماتسياسىن جۇرگىزدى»، - دەلىنگەن مينيسترلىك تاراتقان حابارلامادا.
قولدا بار اقپارات بويىنشا، ناعىز تۋىستىعىنىڭ ىقتيمالدىق شاماسى 99,92 پايىز ناتيجەسىن كورسەتكەن گەنەتيكالىق تەكسەرىسكە، سۋپۋعاليەۆتىڭ جاقىن تۋىستارىنان سىلەكەيلەرى مەن قاندارىنىڭ ۇلگىلەرى الىنعان. ايتا كەتۋ كەرەك، ساراپشى ەسەپتەۋدى قايتالاماعان جانە تۇجىرىم ىقتيمال نىسانىندا بەرىلگەن.
ەستەرىڭىزگە سالا كەتەيىك، اتىراۋ وبلىسى تومارلى اۋىلىنداعى 2-اي بۇرىن جەرلەنگەن ايعالي سۋپۋعالييەۆتىڭ ۇيىنە ورالعانى تۋرالى بىرنەشە ب ا ق ماقالا جاريالاعان ەدى. 63 جاستاعى ايعالي سۋپۋعاليەۆ ۇيدەن شىعىپ كەتىپ ءىز- ءتۇزسىز جوعالىپ كەتكەن. ول بۇرىن بىرنەشە اپتا بويى ۇيگە كەلمەي جۇرەتىن. سول سەبەپتى ايعاليدىڭ ءىنىسى 9 - شىلدەدە عانا پوليتسياعا اعاسىنىڭ جوعالىپ كەتكەنى تۋرالى ارىز جازعان.
ايعالي سۋپۋعاليەۆتىڭ ءوز وتباسى جوق. اراعا ءبىراز ۋاقىت سالىپ پوليتسيا قىزمەتكەرلەرى ايعاليدىڭ جاقىن تۋىستارىن ءمايىتحاناعا شاقىرادى. جاز مەزگىلىندەگى قاتتى ىستىقتىڭ كەسىرىنەن ءمايىتتى بىردەن تانۋ مۇمكىن بولمادى. الايدا د ن ق ساراپتاماسى 99,92 پايىزدى كورسەتىپ، ايعالي سۋپۋعاليەۆتىڭ قايتىس بولعانى راستالعان.
«ساراپتاما قورىتىندىسى قايتىس بولعان مەنىڭ اعام ەكەنىن راستادى. ءبىز ءمايىتتى ۇيگە اكەلىپ، مۇسىلمانشا جەرلەۋ ءراسىمىن وتكىزدىك. قايتىس بولعانى تۋرالى قۇجاتتى دا العان بولاتىنبىز. ال امانعالي ۇيگە كەلگەن كەزدە مەنىڭ قىزىم جۇرەك تالماسىنان ومىرىمەن قوش ايتىسا جازدادى»، دەيدى ايعاليدىڭ اعاسى.
ال ايعالي سۋپۋعالييەۆ ۇيدەن شىعىپ كەتكەننەن كەيىن دينا بازارىندا ءبىر اداممەن تانىسادى. ول قالا ماڭىنداعى شارۋاقوجالىقتا 4 اي جۇمىس ىستەۋگە شاقىرىپ، ۇسىنىس جاسايدى. امانعالي بىردەن كەلىسىپ، 4 اي جۇمىسىن اياقتاعان سوڭ ۇيگە قايتىپ ورالادى. ول اتىراۋ قالاسىنا دەيىن جاياۋ كەلگەن. قازىر امانعاليدىڭ تۋىستارى قۇجاتتاردى رەتتەپ، وزدەرى جەرلەگەن ادامنىڭ كىم ەكەنىن بىلگىسى كەلىپ وتىر.
