عالىمدار: سۋىق تيگەن كەزدە ءسۇت ءىشۋ قاۋىپتى

استانا. قازاقپارات - ۇلى بريتانيالىق عالىمدار سۋىق ءتيىپ اۋىرعان كەزدە ءسۇت نەمەسە وعان بال قوسىپ ءىشۋدىڭ پايدالى ەكەندىگىن جوققا شىعاردى.

بۇل تۋرالى Laryngoscope جۋرنالىنا سىلتەمە جاساپ Stan.kz حابارلايدى.

سۋىق ءتيىپ اۋىرعاندا ءسۇت ءىشۋ ناۋقاستىڭ بويىندا اللەرگيا، جوتەل جانە قارلىعۋ سياقتى بەلگىلەردى اسقىندىرا تۇسەدى. عالىمداردىڭ پىكىرىنشە، شىرىشتىڭ قۇرامىنداعى باكتەرياعا قارسى فەرمەنتتەر ميكروبتاردى ءولتىرىپ، ادامدى سۋىق تيۋدەن قورعايدى. الايدا اۋرۋ كەزىندە ادام ورگانيزمى شىرىشتى تىم كوپ بولە باستايدى. ونىڭ ارتى جوتەل، اللەرگيا جانە داۋىستىڭ قارلىعۋىنا الىپ كەلەدى.

بۇل رەتتە ءسۇت شىرىشتىڭ ودان سايىن كوپ بولىنۋىنە اسەر ەتەدى.

دارىگەرلەر تاجىريبە بارىسىندا انىقتاعانداي، ادام سۋىق تيگەن كەزدە ءسۇت ىشسە، جوتەل مەن سۋىق تيۋ بەلگىلەرى ۇزاققا سوزىلىپ كەتەدى. وسىعان بايلانىستى عالىمدار سۋىق تيگەندە ءسۇتتى از ىشۋگە نەمەسە مۇلدە باس تارتۋعا كەڭەس بەرەدى.