سولتۇستىك قازاقستانداعى رەسەيلىك تۋريستەر اعىنى ەكى ەسەگە ۇلعايدى

پەتروپاۆل. قازاقپارات - پەتروپاۆلدا ەكى كۇننەن كەيىن «قازاقستان مەن رەسەيدەگى تۋريزمدى دامىتۋدىڭ جاڭا تاسىلدەرى مەن ۇردىستەرى» تۋريستىك كورمەسى اشىلادى، دەپ حابارلايدى قازاقپارات ءتىلشىسى.

وڭىرلىك كوممۋنيكاتسيالار قىزمەتى اتاپ وتكەندەي، XV قازاقستان مەن رەسەيدىڭ ايماقارالىق ىنتىماقتاستىعى فورۋمى اياسىنداعى كورمەنى وتكىزۋگە بارلىعى دايىن. ول جاقىندا اشىلعان امبەباپ تەننيس ورتالىعىندا اشىلادى.

سولتۇستىك قازاقستان وبلىسى اكىمىنىڭ ورىنباسارى داۋرەن جانداربەكتىڭ ايتۋىنشا، فورۋم - ەڭ الدىمەن، تاجىريبە الماسۋ.

«كورمەدە قازاقستاننىڭ 10 تۋريستىك دەستيناتسياسى كورسەتىلەدى. سونداي-اق گولوگرافيالىق شوۋدى تاماشالاۋعا بولادى. ال 8-9-قاراشادا قازاقستان مەن رەسەي وڭىرلەرىنىڭ تۋريستىك الەۋەتى ۇسىنىلادى. قازاقستان جانە رەسەي كاسىپكەرلەر پالاتاسى اياسىندا ءوڭىرارالىق كەڭەستىڭ وتىرىسى وتەدى»، - دەدى د. جانداربەك.

سولتۇستىك قازاقستان وبلىسىنان يمانتاۋ-شالقار كۋرورتتىق ايماعى تانىستىرىلادى. كۋرورت ەلدى تۋريستيفيكاتسيالاۋ كارتاسى الەۋەتتىك جوبالارىنىڭ توپ-10 نا ەنگىزىلگەن. د. جانداربەكتىڭ ايتۋىنشا، بيىل رەسەيدەن كەلەتىن تۋريستەر سانى ەكى ەسەگە ارتقان.

7- قاراشادا قالا تۇرعىندارى مەن قوناقتارى ءۇشىن كورمە اشىلىپ، قويىلىمدار مەن كونسەرتتەر وتەدى. مۋزەيلەر مەن كىتاپحانالار جۇمىس ىستەيدى.