11:41, 03 - قاراشا 2018 | GMT +5
الماتىدا ەسكى تەلەفونداردى تاستايتىن جاشىكتەر قويىلدى
الماتى. قازاقپارات - الماتىنىڭ تۋريستەر مەن قالالىقتار ءجيى باراتىن ورىندارعا قوقىسقا اينالعان ەلەكتروندى قۇرىلعىلاردى تاستايتىن ارنايى جاشىكتەر ورناتىلدى، دەپ حابارلايدى قازاقپارات ءتىلشىسى.
تۇرمىستىق قالدىقتاردى تۇرىنە قاراي جىكتەپ ارنايى جاشىكتەرگە سالۋ ولاردى قايتا وڭدەۋگە اسا ءتيىمدى.
«پروم تەحنو رەسۋرس» كومپانياسى وكىلدەرىنىڭ ايتۋىنشا، الماتى ورتالىعىنداعى مەكتەپتەردىڭ اۋماعىنا دا ارنايى قوقىس جاشىكتەرى قويىلىپ جاتىر. قازىر ولاردىڭ جالپى سانى 30-عا جەتكەن، ءبىراق جۋىق ارادا 60-تان اسادى.
اسىرەسە ەلەكتروندى قۇرىلعىلاردى قاۋىپسىز جويۋ ماسەلەسى ءىرى قالالاردىڭ وزەكتى پروبلەمالارىنىڭ ءبىرى بولىپ وتىر. سوڭعى جىلدارى حالىق سانى كۇرت ارتقان الماتى ءۇشىن دە بۇل ماڭىزدى.
