لوتورەيادان ۇتىپ العان قوماقتى اقشا جەڭىمپازدىڭ ءومىرىن قۇرتتى
ۇلى بريتانيانىڭ بۇرىنعى پوشتاشىسى لوتورەيا ۇتىسىنان كەيىن ءوزىن جالعىز سەزىنە باستاعان. ول ءزاۋلىم ءۇيىن ساتىپ، اۆسترالياعا كوشپەك بولدى.
2012 -جىلى 42 جاستاعى پوشتاشى ادريان بەيفوراد لوتورەيادان 148 ميلليون فۋنت اقشا ۇتىپ الادى. وسىدان سوڭ 6,5 ميلليون فۋنتقا سۋففلوك پاتشالىعىنان ءۇي ساتىپ الادى. 15 ايدان سوڭ ايەلى ونىمەن اجىراسۋعا سوتقا بەرەدى.
پوشتاشى شۇجىق فابريكاسىندا جۇمىسشى قىزبەن كەزدەسىپ جۇرەدى. كەيىن تاعى ءبىر ايەلمەن كوڭىل كوتەرەدى. ول 300 مىڭ فۋنت تۇراتىن جىلقىنى العان سوڭ ودان كەتىپ قالادى. ءۇشىنشى كەزدەسكەن قىز دايارشى بولىپ ىستەگەن. دايارشى قىز ەر ادامنىڭ بۇرىنعى كولىك جۇرگىزۋشىسى بولعان ايەلمەن سويلەسكەنىن ءبىلىپ قالىپ، ونى تاستاپ كەتەدى.
دوستارىنىڭ ايتۋىنشا، بەيفوراد جەكە ءومىرىن قۇرۋعا بايلىعىنىڭ كەدەرگى كەلتىرگەنىن ايتقان. بۇرىنعى ايەلى باسقاعا تۇرمىسقا شىققاندا ءتىپتى جانى اۋىرىپتى. وسىدان سوڭ اقشاسىن وزگەلەردى باقىتتى ەتۋگە جۇمساۋدى ءجون كورگەن.
ەندى ءزاۋلىم ءۇيىن ساتپاق نيەتتە. التى جىل بۇرىن ساتىپ العان جىلقى مەن سيىر، تاۋىق پەن وزگە ءۇي جانۋارلارىنىڭ كوزىن جويعان. مۋزىكالىق دۇكەنىن دە جاۋىپ، اۆسترالياعا كەتپەك ويدا. ءوزىنىڭ باسقا ادام بولعىسى كەلەتىنىن ايتقان. الايدا دوستارى ونىڭ تاعدىرىنا الاڭدايدى.
«ول ءتىپتى جاقىن دوستارىنا ءبىر اۋىز ءسوز ايتقان جوق» ، - دەيدى دوستارى.
Stan.kz