شاشقا ارنالعان لاكتىڭ كەسىرىنەن ءۇي جارىلىپ كەتتى

  استانا. قازاقپارات - رەسەيدىڭ لەنينگراد وبلىسىنداعى كريشي قالاسىندا پاتەرلەردىڭ ءبىرى جارىلىپ، اسۇيدەگى تەرەزەلەرى سىنعان.

وقيعا 5 قاباتتى تۇرعىن ۇيدەگى 1 بولمەلى پاتەردە ورىن العان.

وقيعا ورنىنا كەلگەن پوليسەيلەر جارىلعىش زاتتىڭ ىزدەرىن تاپپادى. قۇقىق قورعاۋ ورگانىنداعىلاردىڭ مالىمەتىنشە، جارىلىسقا شاشقا ارنالعان لاك سەبەپ بولىپتى. لاك تولى باللون پاتەر يەسىنە تيەسىلى ەكەن.

قازىرگى ۋاقىتتا كوسمەتيكالىق قۇرالدىڭ نەلىكتەن جارىلىپ كەتكەنى انىقتالىپ جاتىر.

جارىلىس كەزىندە ۇيدە پاتەردى جالعا الۋشى ەر ادام بولعان. ابىروي بولعاندا، ول زارداپ شەكپەپتى.

Stan.kz