جۇما كۇنىنە اۋا رايى بولجامى
كەي جەرلەردە ەكپىندى جەل سوعىپ، تۇمان تۇسەدى، كوكتايعاق بولادى، بۇرقاسىن كۇتىلەدى.
سولتۇستىك قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، بۇرقاسىن سوعادى، باسىم بولىگىندە جەل كۇشەيىپ، 15-20، كەي جەرلەرىندە ەكپىنى سەكۋندىنا 23-28 مەترگە جەتەدى.
اقمولا، قوستاناي وبلىستارىنىڭ كەي جەرلەرىندە تۇمان، كوكتايعاق، بۇرقاسىن بولادى، جەل جىلدامدىعى 15-20 م/س جەتەدى، اقمولا وبلىسىندا كۇندىز ەكپىنى 25 م/س جەتەدى.
پاۆلودار وبلىسىنىڭ كەي جەرلەرىندە جەل 15-20، كۇندىز ەكپىنى 25 م/س كۇشەيەدى، كۇندىز كەي جەرلەرىندە جاياۋ بۇرقاسىن، كوكتايعاق كۇتىلەدى. جامبىل، شىعىس قازاقستان وبلىستارىندا، تۇندە جانە تاڭەرتەڭ الماتى وبلىسىنىڭ كەي جەرلەرىندە تۇمان، كوكتايعاق كۇتىلەدى، كۇندىز جامبىل جانە شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى.
تۇركىستان، قىزىلوردا وبلىستارىنىڭ كەي جەرلەرىندە تۇمان كۇتىلەدى، تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى.
قاراعاندى وبلىسىنىڭ كەي جەرلەرىندە جاياۋ بۇرقاسىن سوعادى.