الەمدەگى ەڭ قاۋىپتى جانە اسەرلى جەرلەر

 استانا. قازاقپارات -  بۇل تاڭعالارلىق، ءارى قاۋىپتى مەكەندەردى كورگەندە اسەرلەبەي قايتۋ مۇمكىن ەمەس.

ترولل ءتىلى، نورۆەگيا

 

بۇل تاڭعاجايىپ جەر نورۆەگيادا، وددا دەپ اتالاتىن كىشىگىرىم قالاشىقتا ورنالاسقان. ال ترولل ءتىلى دەگەن ەرەكشە اتاۋدى بۇل جەر، سكانديناۆيا ميفولوگياسىنىڭ تىلسىم جاراتىلىسىنىڭ تىلىنە ۇقسايتىندىقتان يەلەنگەن.

 

سونىمەن قاتار ترولل ءتىلى وتە جاقسى جاسىرىلعان جانە ونى تابۋ قيىن. ەگەر دە ءسىز ويلارىڭىزبەن وڭاشا قالىپ، تىنىش جەر ىزدەگەن بولساڭىز، وندا سىزگە كەرەك جەر وسى.

گەيرانگەر روك، نورۆەگيا

 

گەيرانگەر روك گەيرانگەردە- نورۆەگياداعى وسى اتتاس كەنتتە، نورۆەگيالىق گۋبەرنيادا گەيرانگەردە تەڭىز قولتىعىنىڭ شەتىندە (فيۋلكادا) ورنالاسقان.

 

جارتاستان رۋحتاندىراتىن ەرەكشە اسەم كورىنىستى كورۋگە بولادى، سوندىقتان گەيرانگەرگە جولىڭىز تۇسسە وسى تاڭعاجايىپ جەردى كورۋگە مىندەتتى تۇردە سوعىڭىز.

كەراگبولتەن، نورۆەگيا

 

كەراگبولتەنگە بارۋعا باتىلى جەتەتىن ادامدار كوپتەپ تابىلا بەرمەيدى، تىپتەن نورۆەگيالىقتاردىڭ ءوزى دە وعان بارۋعا باتىلدىق كورسەتە المايدى.

 

بۇل ولشەمى 5 م³ بولاتىن، ليسەفورد جالعىز اياق جولىنان 1000 مەتر بيىكتىكتە كەراگ تاۋىنىڭ جارتاستارىنىڭ اراسىنا تىعىلىپ تۇرىپ قالعان ۇلكەن تاس. ەگەر دە ءسىز ەكسترەمالدىلىقتى ۇناتاتىن بولساڭىز، وندا سول جەرگە بارۋعا مىندەتتىسىز.

پۋلپيت روك، نورۆەگيا

 

پۋلپيت روك مۇزدىقتى سۋ شايىپ كەتۋى سالدارىنان پايدا بولعان جانە شارشى پىشىندەس جارتاس تۇرىندە كورىنەدى، ول نورۆەگياداعى مۇنايلى ستاۆانگەر قالاسىنا جاقىن جەردە ليسەفوردتان شامامەن 600 مەتردەي كوتەرىلىپ تۇرادى.

 

شىندىعىندا، بۇل جەر قاۋىپتى ەمەس، الايدا ءسىز بۇل ەڭ بيىك توبەسىندە تۇرعان بولساڭىز، ءسىزدىڭ باسىڭىز اينالۋى مۇمكىن جانە ءسىز جايدان- جاي ءوزىڭىزدى باقىلاۋدان شىعارىپ الۋىڭىز مۇمكىن.

Potato Chip Rock جىڭىشكە شاتقالى، ا ق ش

  

بۇل تاڭعاجايىپ جەر ا ق ش- تىڭ كاليفورنيا شتاتىنداعى سان-ديەگو قالاسىندا ورنالاسقان، جانە دە كەز كەلگەن ساتتە سىنىپ كەتۋى مۇمكىن وتە جىڭىشكە شاتقال ءتارىزدى بولىپ كورىنەدى.

 

الايدا، بۇعان قاراماستان، شاتقالدا جاي عانا وتىرىپ كورۋ ءۇشىن كوپتەگەن ساياحاتشىلار جىل سايىن وسى جەرگە كەلەدى. جارتاستىڭ ۇشىنا وتىرىپ جانە دە الاڭسىز سۋرەتكە ءتۇسۋ ءۇشىن بۇل ادامداردىڭ جۇيكەسى قانشالىقتى مىقتى بولۋى ءتيىس؟

تيانمەن تاۋىنىڭ جالعىز اياق اينەك جولى، قىتاي

 

جانجياجەدەگى تيانمەن تاۋىنىڭ باتىس بولىگىندەگى جاردىڭ شەتىمەن جۇرگىزىلگەن ۇزىندىعى 60 مەتر شىنى اللەيا، 1430 مەتر بيىكتىكتە ورنالاسقان.

 

بۇل ادامعا ەستەن كەتپەيتىن ۋايىم سەزىمىن جانە سوزبەن جەتكىزە المايتىن جان تولعانىسىن تۋىنداتاتىن تيانمەن تاۋىنداعى ادام قولىمەن جاسالعان جاۋھارلارىنىڭ ءبىرى.

گراند كانون اينەك كوپىرى، ا ق ش

 

اينەك كوپىر ا ق ش-نىڭ كولورادو شتاتىنداعى ۇلكەن كانوننىڭ باتىس بولىگىندەگى ءۇندىس رەزەرۆاتسياسىندا ورنالاسقان، جانە دە الەمدىك ويىن- ساۋىق استاناسى - لاس- ۆەگاس قالاسىنان شامامەن 200 كيلومەتردەي جەردە تۇر.

 

كوپىر اۋادا كولورادو وزەنىنىڭ ۇستىندە 1219 مەتر بيىكتىكتە اسىلىپ جانە شاتقالدان 21,34 م سىرتقا شىعىپ تۇر.

سيرس تاۋەر (Sears Tower) اينەك بالكونى، ا ق ش

 

ا ق ش- تاعى ەڭ بيىك عيمارات، اسپانمەن تالاسقان سيرس تاۋەردىڭ 103- قاباتىندا بيىكتىكتە 4 اينەك بالكونى بار!

 

قالىڭدىعى 12,7 سم بولاتىن اينەك ەدەنى شامامەن 5 تونناعا دەيىن كوتەرۋگە مۇمكىندىگى بار جانە جارتى كيلومەترلىك بيىكتىكتەن تومەنگە قاراۋعا مۇمكىندىك بەرەدى.

حۋاشان، قىتاي

 

حۋاشان، بالكىم، الەمدەگى بارىنشا قۇلاما جارقاباقتى جانە قاۋىپتى جول. الايدا اياعىڭنىڭ استىنان ءتۇپسىز تۇڭعيىق جارقاباقتى كورۋ - وتە قىزىقتى جانە تىم اسەرلى!

 

قۇزعا ورلەۋ مەن جورىقتار كوپتەگەن شەت ەلدىكتەر ءۇشىن، تىپتەن سيمۆولدىق سپورت ءتۇرى بولىپ كەتكەن ءتارىزدى. وسى جولدى باعىندىرعاندارعا كوز سالىپ كورىڭىزدەر.

 

بۇل ەشنارسەدەن قورىقپايتىن باتىل ادامدار الەمدەگى ەڭ قاۋىپتى سۇرلەۋ جولدى باعىندىرۋدا.