سولتۇستىك قازاقستان پوليتسەيلەرى جاياۋ جۇرگىنشىلەردىڭ باستى قاتەلىگى تۋرالى ايتتى

پەتروپاۆل. قازاقپارات - سولتۇستىك قازاقستاندىق پوليتسەيلەر 3 كۇننىڭ ىشىندە 680 جول ەرەجەسى بۇزۋشىلىعىن انىقتادى، دەپ حابارلايدى قازاقپارات ءتىلشىسى.

پوليتسيا دەپارتامەنتىنىڭ اقپاراتى بويىنشا، جاياۋ جۇرگىنشىلەر جولاعىنان، بۇرىلىستان ءوتۋ، كولىكتى ماس كۇيىندە جۇرگىزۋ جانە جاياۋ جۇرگىنشىلەر تاراپىنان جاسالعان بۇزۋشىلىقتار كوش باستاپ تۇر.

«پەتروپاۆلدا جىل باسىنان بەرى جاياۋ جۇرگىنشىلەردىڭ كىناسىنەن 26 جول اپاتى تىركەلگەن. سالدارىنان 1 ادام قازا تاۋىپ، 74 ى جاراقات العان. ءتۇرلى بۇزۋشىلىقتار جاساعانى ءۇشىن 4 مىڭنان استام جاياۋ جۇرگىنشى اكىمشىلىك جاۋاپقا تارتىلعان. جول وقيعالارىنىڭ جارتىسى سولاردىڭ ەنشىسىندە»، - دەدى باسپا ءسوز قىزمەتىنەن.

پوليتسەيلەردىڭ ايتۋىنشا، جاياۋ جۇرگىنشىلەردىڭ باستى قاتەلىگى - باعدارشامنىڭ قىزىل تۇسىنەن جولدى كەسىپ ءوتۋ، تۇرعان كولىك قۇرالىنان الدىنان كۇتپەگەن جەردەن شىعا كەلۋى جانە جولدى كەز كەلگەن جەردەن كەسىپ ءوتۋى.