داۋلى وقيعالارىمەن ەل ەسىندە قالعان قازاقستاندىق جۇلدىزدار كىمدەر؟

 استانا. قازاقپارات - ساحنادا جۇرگەن سەرىلەر مەن سۇلۋلاردىڭ بارلىق ەركەلىگىن حالىق كوتەرە بىلگەنىمەن، شەكتەن اسقان ەسسىزدىكتى جۇرت كەشىرمەيتىن ءسات تە بولادى.

NUR. KZ نازارلارىڭىزعا شۋلى وقيعالارىمەن ەل ەسىندە قالعان ونەر يەلەرىن ۇسىنادى.

بۇل ءتىزىمنىڭ كوشىن بىرنەشە رەت داۋدىڭ ورتاسىندا قالعان تورەعالي تورەالى باستاپ تۇر. جاقىندا عانا جاڭا فيلمىنىڭ تۇساۋىن كەسكەن ۇلى دالا بالاسىنىڭ باسى ۇنەمى داۋدان ارىلمايتىندار قاتارىندا. ءانشىنىڭ اناسى دا ۇلىنىڭ «تۇزى جەڭىل» ەكەنىن اتاپ ءوتتى.

ءانشىنىڭ پاۆلودار ساحناسىنداعى تىڭدارمانىنا دورەكى سويلەگەن ارەكەتىن كوپشىلىك ءبىراز ۋاقىتقا دەيىن قىزۋ تالقىعا سالدى.

ول داۋعا نۇكتە قويىلعان ساتتە، «الماتى-گونكونگ» باعىتىنداعى ۇشاق بورتىنا بيلەتسىز كىرگەن تورەعالي تاعى دا شۋ شىعاردى.

ايەلى مەن بالالارىن ۇشاققا وتىرعىزعان ءانشى جولاۋشىلاردى جولىنان 18 مينۋتقا كەش قالدىرعان.

ايتا كەتەيىك، تورەعالي تورەالىنىڭ داۋلى وقيعالارى جايلى بۇعان دەيىن دە حابارلاعان بولاتىنبىز.

وسىدان بىرنەشە جىل بۇرىن بەيبىت قورعان اتىراۋعا كونسەرت قويۋعا بارىپ، وزىنە جاقپاي قالعان «اق جايىق» باسىلىمىنىڭ تىلشىسىنە ايبات كورسەتكەن. سوققىدان ەرنى ءىسىپ، تىزەسى جارالانعان جۋرناليست ءانشىنى سوتقا بەرگەنىمەن، بۇل ءىس سوڭىنا دەيىن جەتپەگەن.

«شوق قىزدارمەن» تالايدىڭ جۇرەگىن جاۋلاعان بەيبىت قورعاننىڭ وسىدان كەيىن ەل الدىنداعى بەدەلىنە نۇقسان كەلدى.

قايرات تۇنتەكوۆتىڭ دە شارىقتاعان جۇلدىزدى تاعدىرى ءبىر-اق كۇندە وزگەدى. شىمكەنتتە كولىگىمەن ادام قاعىپ كەتكەن ءانشى 40 كۇنگە اباقتىدا وتىرىپ شىقتى. «Super star» جەڭىمپازىنىڭ باسى 2017-جىلعا دەيىن اتالمىش داۋدان ارىلمادى.

قايرات تۇنتەكوۆ بۇگىندە قايتادان ونەر الەمىنە قادام باسۋدا.

قايرات نۇرتاستىڭ دا بالاعات سوزدەر ايتقان ۆيدەوسى جەلىگە لەزدە تارالىپ كەتتى. حيتمەن قولىنا پىشاق ۇستاپ، ءوزىن ۆيدەوعا تۇسىرگەن سەرىكبول سايلاۋبەككە بالاعات ءسوز ايتقان.

ايتا كەتەيىك، ءانشى بۇل ۆيدەونى تاراتىپ جىبەردى دەپ سەرىكبول سايلاۋبەككە وكپەلەگەن دە بولاتىن.

سونداي-اق قايرات نۇرتاستىڭ «پرايم پلازاداعى» ەڭ داۋلى وقيعاسى دا ەل ەسىنەن ءالى كۇنگە كەتپەدى. بىرنەشە جىل بويى ايتىلماي كەلگەن شىندىقتى ءانشىنىڭ ءوزى حالىق الدىندا جايىپ سالدى.

بۇگىندە بىرنەشە فيلمگە ءتۇسىپ، حالىققا كەڭىنەن تانىلعان اسەل ءسادۋاقاسوۆانىڭ دا جالاڭاش سۋرەتى جەلىگە تارالىپ كەتكەن بولاتىن. ءانشى بۇل سۋرەتتىڭ فوتوشوپ ەكەنىن ايتىپ، كوپشىلىك الدىندا مالىمدەمە جاسادى.

تەاتردىڭ تارلانى اتانعان باۋىرجان يبراگيموۆ قوناق ۇيگە بارىپ، تىركەۋ بولىمىندەگى قىزدى بالاعاتتاعان بولاتىن. ءارتىستىڭ ۆيدەوسى كەيىن جەلى ارقىلى جالپاق جۇرتقا تارالىپ كەتتى.

كەيىنىرەك «باۋىرجان شوۋ» تەاترىنىڭ باسشىسى بويجەتكەننەن كەشىرىم سۇراعانىن ءمالىم ەتتى.

بۇل تىزىمدە كۇنى كەشە «قىزىق تايمس» باعدارلاماسىنىڭ جۇرگىزۋشىلەرىن بالاعاتتاعان ەركە ەسماحان دا بار. كليپتەرى ميلليون قارالىم جينايتىن ءانشىنىڭ بۇل ارەكەتى دە جۇرتتىڭ نازارىنان تىس قالمادى.

ءتىپتى جۋرناليست ارمان سقابىل ۇلى ءانشىنىڭ بۇل ارەكەتىن قاتاڭ سىنعا الدى.