قازاقستاندا قاراشانىڭ العاشقى كۇنى اۋا رايى قانداي بولادى؟

استانا. قازاقپارات - قاراشانىڭ العاشقى كۇنى قازاقستاننىڭ باسىم بولىگىندە جاۋىن-شاشىن بولادى، تەك باتىس، وڭتۇستىك-باتىس وڭىرلەردە عانا كۇن ءبىرشاما جىلى بولۋى مۇمكىن، دەپ حابارلايدى قازاقپارات قازگيدرومەتكە سىلتەمە جاساپ.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىن بولىپ، جەلدىڭ جىلدامدىعى سەكۋندىنا 15-20 مەتر، ەكپىنى 23 مەترگە دەيىن جەتۋى مۇمكىن.

اقمولا وبلىسىنىڭ كەي جەرلەرىندە كوكتايعاق، بۇرقاسىن بولادى، كۇندىز جەلدىڭ جىلدامدىعى 15-20 م/س- قا جەتەدى.

جامبىل، قىزىلوردا، تۇركىستان وبلىستارىنىڭ كەي جەرلەرىنە تۇمان تۇسەدى، جەل سەكۋندىنا 15-20 مەتر جىلدامدىقپەن سوعادى. جامبىل، قىزىلوردا وبلىستارىنىڭ كەي جەرلەرىندە كوكتايعاق بولادى.

قوستاناي جانە سولتۇستىك قازاقستان وبلىستارىنىڭ كەي جەرلەرىندە بۇرقاسىن، كوكتايعاق بولادى، جەلدىڭ جىلدامدىعى سەكۋندىنا 15-20 مەترگە دەيىن جەتۋى ىقتيمال.

الماتى، قاراعاندى وبلىستارىندا، تۇندە پاۆلودار وبلىسىندا كەي جەرلەرگە تۇمان تۇسەدى، قاراعاندى وبلىسىنىڭ كەي جەرلەرىندە كوكتايعاق بولادى.

ەسكە سالا كەتەيىك، قاراشا ايىنىڭ باسىنان قازاقستاندا كۇن سۋىتاتىنى حابارلانعان بولاتىن.