08:11, 01 - قاراشا 2018 | GMT +5
قازاقستاندىق بالا نەيمارمەن فۋتبول وينادى
استانا. قازاقپارات - اياقسىز تۋعان ەلوردالىق وقۋشى ءالي تۇرماعانبەتوۆ الەمدىك فۋتبول جۇلدىزدارى نەيمار، ەدينسون كاۆاني جانە كيليان مباپپەمەن كەزدەستى، دەپ حابارلايدى قازاقپارات ءتىلشىسى.
«ءاليدى شاقىرىپ، ۇلىمنىڭ كەزەكتى ارمانىن ورىنداعان PSG كومانداسىنا العىسىم شەكسىز. ول ەۋروپانىڭ ەڭ ۇزدىك فۋتبول كلۋبىنىڭ جابىق وتكەن جاتتىعۋىنا قاتىستى»، - دەپ قۋانىشىمەن ءبولىستى ءاليدىڭ اناسى اقمارال امرەيەۆا فەيسبۋك پاراقشاسىندا.
ول بالاسىنىڭ ارمانى تۇڭعىش پرەزيدەنت قورى قولداۋىنىڭ ارقاسىندا جۇزەگە اسقانىن ايتىپ ءوتتى. سونىمەن قاتار، فرانسياعا ۆيزا ازىرلەۋدە قيىندىقتار تۋعانىن دا جاسىرمادى.
بۇعان دەيىن ءالي تۇرعانبەكوۆتىڭ كۋميرى، بەلگىلى وراتور نيك ۆۋيچيچپەن جانە فۋتبولشى مارادونامەن كەزدەسكەنىن حابارلاعان بولاتىنبىز.
ءالي تاياۋدا پروتەز اياقتارمەن ءجۇرۋدى ۇيرەندى. وعان ارنالعان پروتەزدى تۇركيالىق ماماندار ازىرلەگەن ەدى.