برازيليا تۇرمەسىندە وتىرعان قازاقستاندىقتار كىم
«قازاقستان ازاماتتاردىڭ مۇددەسىن قورعاۋ ءبىزدىڭ تىكەلەي مىندەتەمىز. سوندىقتان فاكتى ءمالىم بولا سالىسىمەن كونسۋلىمىز قازاقستاندىقتار ۇستالعان سان- پاۋلۋعا باردى. بۇل ەلدىڭ ەڭ باستى اۋە گاۆانى، وتە ۇلكەن اۋەجاي. ەكى ازامات 2017 -جىلى ۇستالدى. سوت پروتسەسىنە قاتىستىق، سوت ءبىر ازاماتىمىزدى اقتادى. سەبەبى ولار ءۇشىن تۇلعانىڭ قىلمىستىق ارەكەتىنىڭ قۇربانى بولدى. ەكىنشىسى سان- پاۋلۋ قالاسىنىڭ تۇرمەسىندە جازاسىن وتەۋدە» ، - دەدى ول.
ەلشىنىڭ اتاپ وتۋىنشە، 2018 -جىلى ءدال سول اۋەجايدا قازاقستاننىڭ ازاماتتارى - اعاسى مەن قارىنداسى ەسىرتكى زاتىمەن ۇستالعان.
«سوت شەشىمىمەن اعاسى بوستاندىققا شىقتى. ال قارىنداسى تۇزەۋ مەكەمەسىندە جازاسىن وتەۋدە. كونسۋلىمىز ولارمەن جانە ولاردىڭ تۋعان- تۋىستارىمەن ۇنەمى بايلانىسقا شىعىپ تۇرادى. اعىمداعى جىلى ەكى ەلدىڭ اراسىندا سوتتالعان تۇلعالاردى بەرۋ تۋرالى مەملەكەتارالىق شارتقا قول قويىلدى. ونى راتيفيكاتسيالاۋمەن ق ر باس پروكۋراتۋراسى اينالىسىپ جاتىر. اتالعان قۇجات ازاماتتارىمىزدى بوستاندىققا شىعارۋعا مۇمكىندىك بەرەدى. ءبىراق، ول ءۇشىن سوتتالۋشىلاردىڭ وزدەرى برازيليانىڭ ورگاندارىنا سايكەسىنشە ءوتىنىش جازۋلارى قاجەت. قازىر ءبىز ونىمەن اينالىسىپ جاتىرمىز» ، - دەدى قايرات سارجانوۆ.
بۇعان دەيىن ق ر باس پروكۋرورىنىڭ ورىنباسارى مارات احمەتجانوۆ قازاقستان تاراپى برازيلياعا سوتتالعان قازاقستاندىقتاردى ەلگە قايتارۋ تۋرالى ءوتىنىش بەرەتىندىگىن ايتقان بولاتىن.
