باقىتجان ساعىنتايەۆ: جولداۋداعى تاپسىرمالار تولىقتاي ورىندالادى
ايتا كەتەيىك، جالپى وتىرىستا پالاتا دەپۋتاتتارى «2019-2021-جىلدارعا ارنالعان رەسپۋبليكالىق بيۋجەت تۋرالى» زاڭىنىڭ جوباسىن تالقىلاپ، ماقۇلدادى.
«الداعى ءۇش جىلعا ارنالعان بيۋدجەت جوباسىن ماقۇلداپ، داۋىس بەرگەندەرىڭىزگە العىسىمدى ايتقىم كەلەدى. سونداي-اق بيىلعى بيۋجەتتىڭ ورنى ەرەكشە. ويتكەنى ول نەگىزىنەن اعىمداعى جىلعى قازان ايىندا ەلباسىنىڭ قازاقستان حالقىنا جولداۋىنداعى تاپسىرمالاردى ناقتى ورىنداۋعا باعىتتالعان»، - دەپ توقتالدى پرەمەر-مينيستر.
وسى ورايدا ب. ساعىنتايەۆ بۇگىندە ۇكىمەتتە ءتيىستى جۇمىستار اتقارىلىپ جاتقانىن ايتا كەلە، ءبىرىنشى كەزەڭدە بيىلدىڭ سوڭىنا دەيىن قابىلداناتىن شەشىمدەر، ال ەكىنشى كەزەڭدە 2019-جىلدىڭ باسىندا قابىلداناتىن جۇيەلى شەشىمدەر قامتىلعانىن جەتكىزدى.
«بۇل باعىتتا نەگىزگى جۇمىستار ىسكە اسىرىلىپ جاتىر. الداعى ۋاقىتتا ەلباسى تاپسىرمالارىنىڭ بارلىعى تولىعىمەن ورىندالادى دەپ سىزدەردى سەندىرگىم كەلەدى. بۇگىن بيۋجەت جوباسىن تالقىلاۋ بارىسىندا دەپۋتاتتار ايتقان ەسكەرتۋلەر مەن ۇسىنىستار ۇكىمەتتە جەكە قارالىپ، ءبىزدىڭ جۇمىسىمىزدا ەسكەرىلەتىن بولادى»، - دەپ ءتۇيدى باقىتجان ساعىنتايەۆ.
سونىمەن قاتار ءماجىلىس ءتوراعاسى نۇرلان نىعماتۋلين ەڭ باستىسى - بۇل زاڭ جوباسىندا ەلباسىنىڭ بيىلعى جولداۋىندا ايتىلعان بارلىق تاپسىرمالاردى قارجىلاندىرۋعا ناقتى قادام جاسالعانىن اتاپ ءوتتى.
«ەندىگى باستى مىندەت - ول وسى بولىنگەن ءاربىر تيىندى دۇرىس پايدالانۋ كەرەك. بۇل ەلىمىزدىڭ تۇراقتى دامۋىنا ىقپال ەتىپ، ءاربىر وتباسىنىڭ، ءاربىر شاڭىراقتىڭ ءومىر ساپاسىن كۇشەيتۋگە جاڭا سەرپىن بەرەتىن بولادى»، - دەدى ن. نىعماتۋلين.
بۇدان بۇرىن حابارلانعانداي، ۇلتتىق بانك ينفلياتسيانى تارگەتتەۋ ساياساتىن جالعاستىرادى.
سونىمەن قاتار، ۇلتتىق بانك باسشىسى تەڭگەنىڭ ايىرباس باعامىنا قاتىستى تاۋەكەلدەر تۋرالى ايتتى.
پارلامەنت ءماجىلىسىنىڭ جالپى وتىرىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ ەلىمىزدىڭ 2019-2023-جىلدارعا ارنالعان الەۋمەتتىك-ەكونوميكالىق دامۋ بولجامىن تانىستىردى.