وتىرىك ايتقانىن جازۋىنا قاراپ تانۋعا بولادى
جاقىندا بريتانيالىق زەرتتەۋشىلەر ادامنىڭ وتىرىك ايتقانىن جازۋىنا قاراپ انىقتايتىن باعدارلاما جاساپ شىعارىپتى. ەرەكشە باعدارلاما كارديفف ۋنيۆەرسيتەتى عىلىمي قىزمەتكەرلەرىنىڭ ەڭبەگى نەگىزىندە جاسالعان. وعان VeriPol دەگەن اتاۋ بەرىلگەن. ادامنىڭ وتىرىك ايتقان نەمەسە ايتپاعانىن انىقتاۋ ءۇشىن ونىڭ ءوز قولىمەن جازعان جازباسى قاجەت.
ونىڭ كوشىرمەسى باعدارلاماعا جۇكتەلەدى. ارى قاراي انىق- قانىعى انىقتالادى. جاساندى سانا جىل ساناپ دامىپ كەلەدى. ەگەر بريتاندىق زەرتتەۋشىلەردىڭ ونەرتابىسى جوعارى باعالانسا، كەلەشەكتە كاسىبي پوليگرافتاردى الماستىرىپ قالۋى دا عاجاپ ەمەس.
ءتىپتى يسپانيالىق پوليتسەيلەر ارنايى باعدارلامانى تاجىريبە جۇزىندە پايدالانۋدى باستاپ تا كەتىپتى. ءتۇرلى مەكەمەلەردە باعدارلامانى تاجىريبە جۇزىندە پايدالانىپ كورۋ جايى قاراستىرىلۋدا ەكەن. ەگەر راسىمەن قۇقىق قورعاۋ جۇيەسىنە ايتارلىقتاي پايداسىن تيگىزىپ جاتسا، زەرتتەۋشىلەردىڭ ونەرتابىسى زور جاڭالىق بولماق.