تۇركىستانعا ميلليونىنشى تۋريست امەريكادان كەلدى

تۇركىستان. قازاقپارات - بۇگىن تۇركىستان قالاسىنا ميلليونىنشى تۋريست كەلدى.

ەرلى زايىپتى ساياحاتشىلار ۋيلليام پەن باربارا برەنچ كونە شاھاردى تاماشالاۋعا امەريكانىڭ سولتۇستىك كورولينا شتاتىنان كەلگەن، دەپ حابارلايدى قازاقپارات ءتىلشىسى.

ا ق ش-تان ياساۋي كەسەنەسىنە كەلگەن قوناقتاردى تۇركىستان وبلىسىنىڭ اكىمى جانسەيىت تۇيمەبايەۆ كۇتىپ الدى. ايماق باسشىسى شەتەل ازاماتتارىنا جىلى لەبىزىن ءبىلدىرىپ، ۇلتتىق شاپان كيگىزدى. قازاقتىڭ قامشىسى مەن تايقازاندى سىيلادى. سونداي-اق، تۇركىستان وڭىرىندە تۋريزم الەۋەتىن ارتتىرۋ ءۇشىن ارتقارىلىپ جاتقان جۇمىستارمەن تانىستىردى.

«سىزدەردى قاسيەتتى قالامىزدىڭ ميلليونىنشى ءتۋريسى بولعاندىرىڭىزبەن قۇتتىقتايمىن. بۇل بىزدەر ءۇشىن قۋانىش. ماسەلەن، ءدال بۇگىن تۇركىستان قالاسىنا كەلۋشىلەر سانى 1 ميلليون ادامعا جەتىپ، وتكەن جىلدىڭ ءدال وسى كەزىمەن سالىستىرعاندا 57,2 پايىزعا ارتىپ وتىر. سونىمەن قاتار، وڭىردە تۋريزمدى دامىتۋ ءۇشىن جۇيەلى باعدارلامالار دايارلادىق. الداعى ۋاقىتتا كەلۋشىلەر سانى تاعى ارتا تۇسەدى دەپ جوسپارلاپ وتىرمىز»، - دەدى جانسەيىت تۇيمەبايەۆ.

كەزدەسۋ بارىسىندا شەتەل ازاماتتارى ورتالىق ازيا ەلدەرى ىشىندە تۇركىستانعا ءجيى كەلەتىندەرىن جەتكىزدى.

 

«تۇركىستان - ورتالىق ازيا مەملەكەتتەرى ىشىندەگى تاريحقا باي، كيەلى مەكەندەردىڭ ءبىرى. ءبىزدىڭ ەلدىڭ ازاماتتارى وسى قاسيەتتى قالاعا ءجيى كەلەدى. ءبىز تۇركىستان قالاسى مەن ياساۋيدىڭ تاريحىمەن حاباردارمىز. قازاقستانعا، تۇركىستان وڭىرىنە كەلگەلى قازاق حالقىنىڭ قوناقجايلىعى مەن دارقاندىعىنا كۋا بولدىق. ا ق ش-قا بارعاننان كەيىن ونداعى وتانداستارىمىزعا وسى قۇندىلىقتارىڭىزدى جەتكىزىپ، كەلەسى جىلى ارنايى تاعى ات باسىن بۇرامىز»، - دەدى ۋيليام برەنچ.