گولوۆكين كەلەشەكتە كىمدەرمەن جۇدىرىقتاسۋى مۇمكىن؟

استانا. قازاقپارات - Boxingnews24.com ءتىلشىسى شون دجونس قازاقستاندىق بوكسشى گەننادي گولوۆكيننىڭ (38-1-1، 34 ك و) بولاشاعى تۋرالى ءسوز قوزعادى، دەپ حابارلايدى Sports.kz.

«گولوۆكين «كانەلومەن» ءۇشىنشى جەكپە-جەككە شىعا الماسا، روب برانتپەن، دەنيەل دجەيكوبسپەن نەمەسە WBO چەمپيونى دەمەتريۋس اندرادەمەن ايقاسۋى مۇمكىن»، - دەپ جازادى اۆتور.

ەسكە سالا كەتەيىك، روب برانت (24-1، 16 ك و) تاياۋدا WBA نۇسقاسى بويىنشا ورتا سالماقتاعى «تۇراقتى» الەم چەمپيونى اتاعىن جەڭىپ العان بولاتىن. ال دەنيەل دجەيكوبس (35-2، 29 ك و) بوس تۇرعان IBF بەلبەۋىن يەلەندى. دەمەتريۋس اندرادە (26-0، 16 ك و) - بوس تۇرعان WBO تيتۋلىنىڭ يەگەرى.

جالپى، گەننادي گولوۆكين رينگكە كوكتەمدە ورالادى دەپ كۇتىلۋدە. ونىڭ ەڭ العاشقى قارسىلاسى جاپوندىق ريوتا مۋراتا (14-2، 11 ك و) بولۋعا ءتيىس ەدى. الايدا ول برانتتان جەڭىلىپ قالعاندىقتان بۇل جەكپە-جەك بولمايتىن بولدى.