قازاقستاندىق كوركەم گيمناستشى ازيا كۋبوگىنىڭ ءۇش «التىنىن» يەلەندى

استانا. قازاقپارات - موڭعوليادا وتكەن كوركەم گيمناستيكادان ازيا كۋبوگىندا قازاقستاندىق ايدانا سارىباي بىرنەشە مەدال ولجالادى، دەپ حابارلايدى قازاقپارات Olympic.kz سايتىنا سىلتەمە جاساپ.

اتاپ ايتقاندا، ايدانا شىعىرشىق، ۇرشىق جانە تاسپامەن جاتتىعۋدا ءۇش «التىن» يەلەنسە، دوپپەن جاتتىعۋدا كۇمىس جۇلدەگەر اتاندى.

سونداي-اق جاس وسپىرىمدەر اراسىندا سىنعا تۇسكەن ەلجانا تانيەۆا دا ءۇش التىن مەدالعا قول جەتكىزدى. ول شىعىرشىق، دوپ جانە تاسپامەن جاتتىعۋدا ۇزدىكتەر قاتارىنان كورىنىپ، ۇرشىقپەن جاتتىعۋدا «كۇمىستى» قاناعات تۇتتى.

موڭعوليا استاناسى ۇلان-باتىردا كوركەم گيمناستيكادان ازيا كۋبوگى 25-28- قازان كۇندەرى ارالىعىندا ءوتتى.