ەلباسى قورعانىس مينيسترىنە ءبىرقاتار تاپسىرما بەردى

استانا. قازاقپارات - مەملەكەت باسشىسى قورعانىس ءمينيسترى نۇرلان ەرمەكبايەۆتى قابىلدادى، دەپ حابارلايدى اقوردا.

كەزدەسۋ بارىسىندا قازاقستان پرەزيدەنتىنە ەلىمىزدىڭ قارۋلى كۇشتەرىنىڭ قازىرگى احۋالى، سونداي-اق ونى ودان ءارى دامىتۋدىڭ باسىم باعىتتارى جونىندە مالىمدەلدى.

ن. ەرمەكبايەۆ مەملەكەت باسشىسىنا جاۋىنگەرلىك دايىندىق دەڭگەيىن ارتتىرۋ، ارميانى قارۋ-جاراقپەن قامتاماسىز ەتۋ جانە اسكەري قىزمەتشىلەردى الەۋمەتتىك قامسىزداندىرۋ ماسەلەلەرىن شەشۋ ىسىنە بايلانىستى اتقارىلىپ جاتقان شارالار جونىندە باياندادى. سونىمەن قاتار، قورعانىس ءمينيسترى بىتىمگەرشىلىك ميستسيا قۇرامىنداعى قازاقستاندىق كونتينگەنتتىڭ قىزمەتىنە توقتالدى.

سوڭىندا ەلباسى ءبىرقاتار ناقتى تاپسىرما بەردى.