تەڭىزدەگى جۇمىسشىلاردىڭ جاپپاي ۋلانۋىنىڭ سەبەبى انىقتالدى

اتىراۋ. قازاقپارات - اتىراۋدا تەڭىز كەن ورنىنداعى «بولاشاق» ۆاحتا كەنتىندە جۇمىسشىلاردىڭ جاپپاي ۋلانۋ جاعدايىن تەكسەرۋ اياقتالدى، دەپ حابارلايدى قازاقپارات ءتىلشىسى.

«تەكسەرۋ بارىسىندا تەڭىز كەن ورنىندا «بولاشاق» ۆاحتالىق كەنتىندە جۇمىسشىلار اسحانادان تاماقتانعان سوڭ جاپپاي ۋلانعان. بارلىعى 28 ادام زارداپ شەككەن. ونىڭ 24 ى جىلىوي اۋداندىق اۋرۋحاناسىنىڭ جۇقپالى اۋرۋلار بولىمىنە جاتقىزىلسا، تورتەۋى - ۆاحتالىق كەنتتەگى ت ش و كلينيكاسىنا ورنالاستىرىلدى.

قازىرگى تاڭدا ولاردىڭ بارلىعى ساۋىعىپ، مەديتسينالىق مەكەمەدەن شىعارىلدى جانە جۇمىستارىنا كىرىستى. باستى سەبەپ - اسحانادا سانيتارلىق قاۋىپسىزدىك نورمالارىنىڭ ساقتالماۋى. زەرتحانالىق تالداۋ ادامداردىڭ سالمونەللەز سالدارىنان ۋلانعانىن كورسەتتى.

«تەكسەرۋ بارىسىندا انىقتالعانداي، «مونتاجسپەتسستروي» كومپانياسىنىڭ جۇمىسشىلارىن تاماقتاندىرعان كەيتەرينگتىك كومپانيا سانيتارلىق دارىگەرلەردىڭ سانيتارلىق- ەپيدەميولوگيالىق قورىتىندىسىنسىز زاڭسىز تاماقتاندىرۋ قىزمەتىن كورسەتكەن. انىقتالعان زاڭ بۇزۋشىلىقار بويىنشا بارلىق ماتەريالدار جىلىوي ا ءى ءى ب- گە بەرىلدى»، - دەپ حابارلادى اتىراۋ وبلىستىق قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى ەربولات ۋايسوۆ.

ەسكە سالايىق، 16 -قازاندا «بولاشاق» ۆاحتالىق كەنتىندەگى اسحانالاردىڭ بىرىندە كەشكى استان كەيىن جاپپاي ۋلانۋ جاعدايى تىركەلگەن ەدى.