پاكىستان عارىشقا العاشقى عارىشكەرىن ۇشىرماقشى
بۇل تۋرالى جۋرناليستەرگە پاكىستاننىڭ اقپارات ءمينيسترى فاۆاد چوۋدحري پاكىستان پرەمەر- ءمينيسترى يمران حاننىڭ ق ح ر- عا جاسايتىن ساپارى الدىندا ءمالىم ەتتى، دەپ حابارلايدى Times of India گازەتى.
پاكىستان اقپارات ءمينيسترى قىتاي مەن پاكىستان اراسىندا عارىش سالاسىنداعى ىنتىماقتاستىق تۋرالى كەلىسىمگە قول قويىلعانىن اتاپ ءوتتى.
«يسلامابادتىڭ پاكىستاندىقتى العاش عارىشقا ۇشىرۋى تۋرالى نيەتى پاكىستاننىڭ قارسىلاسى - ءۇندىستاننىڭ 2022 -جىلى وربيتاعا وزدىگىنەن العاشقى ۇلتتىق باسقارىلاتىن ميسسيانى جىبەرەتىنىن جاريالاۋىنا بايلانىستى بولۋى مۇمكىن. وسىلايشا، يسلاماباد عارىش سالاسىندا نيۋ- دەليدىڭ الدىن وراماقشى»، دەپ بولجاپ جاتىر ءۇندىستاننىڭ باسپا ءسوز قۇرالدارى.
ەسكە سالايىق، وتكەن اپتادا ق ر قورعانىس جانە ايەروعارىش ونەركاسىبى ءمينيسترى ب. اتامقۇلوۆ قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جاڭ شياومەن كەزدەستى.
كەزدەسۋ بارىسىندا ەكىجاقتى سەرىكتەستىكتىڭ اسكەري- تەحنيكالىق جانە عارىش، كيبەرقاۋىپسىزدىك سالالارىنداعى ءتۇرلى قىرلارى تالقىلانعان ەدى.