الماتىدا «التىن جۇرەك» جۇلدەسى تاپسىرىلدى
بيىل سىيلىققا 300 ءوتىنىش بەرىلدى، ونىڭ 150 ىن جەكە ادامدار تاپسىردى. قازىلار القاسى 12 اتالىم بويىنشا 36 ۇمىتكەردى تاڭداپ الدى.
«سىيلىق قوعامدا قايىرىمدىلىق پەن ىزگىلىكتىڭ باستى ءرول اتقاراتىنىن ءوز ىسىمەن دالەلدەگەن ادامدار مەن ۇيىمدارعا بەرىلەدى»، - دەپ اتاپ ءوتتى شارانى ۇيىمداستىرۋشى «باۋىرجان» قورىنىڭ وكىلدەرى.
«دەنساۋلىق ساقتاۋعا قوسقان ۇلەسى ءۇشىن» اتالىمىندا قاراعاندى قالاسىنىڭ پروفەسسورى روزا ءالىمحانوۆا جۇلدەگە يە بولدىق. ايتا كەتەرلىگى، 2017 -جىلى ول «قازاقستاننىڭ 100 جاڭا تۇلعاسى» جوباسىنىڭ تىزىمىنە ەنىپ، جىلدىڭ ۇزدىك ونەرتاپقىش ايەلى اتانعان بولاتىن.
«مەن ەڭبەگىمدى جوعارى باعالاعان سىيلىقتى ۇيىمداستىرۋشىلارعا العىس ايتامىن. مەن ءومىر بويى ەلىمىزدى مۇگەدەك بالالار بولماسا ەكەن دەپ ارمانداعانمىن. مەن ورتوپەديا - ءتۋابىتتى قوزعالىس- تىرەك اپپاراتى پاتولوگياسىن ەمدەۋمەن اينالىستىم. سوندىقتان مەن وتاسىز، گيپس تاڭۋىنسىز، الەمدە بالاماسى جوق ەمدەۋ ءتاسىلىن ويلاپ تاپتىم»، - دەدى جۇلدەنى تاپسىرۋ كەزىندە روزا ءالىمحانوۆا.
سىيلىققا يە بولعان جەڭىمپازداردىڭ تولىق ءتىزىمى:
1. «قازاقستاننىڭ دامۋىنا ۇلەس قوسقانى ءۇشىن»
ولگا باتۋتينا مەن يليا بايعابۇلوۆ (رەسەي، ماسكەۋ)
2. «ءبىلىمدى دامىتۋعا قوسقان ۇلەسى ءۇشىن»
اسىلبەك قوجاحمەتوۆ (الماتى)
3. «دەنساۋلىق ساقتاۋعا قوسقان ۇلەسى ءۇشىن»
روزا ءالىمحانوۆا (قاراعاندى)
4. «ارداگەرلەرگە كورسەتكەن قۇرمەتى ءۇشىن»
سەيداحمەت قالتايەۆ
5. «جىل ۇيىمى»
«حارەكەت» قورى (الماتى)
6. «اقپاراتتىق قولداۋشى»
www.bestdoctor.kz پورتالى (استانا)
7. «جىل مەتساناتى»
سەرگەي گلۋشكوۆ (ش ق و)
8. «سپورتتى دامىتىپ جانە ونى قولداعانى ءۇشىن»
ارمان ءماشىموۆ (سەمەي)
9. «قورشاعان ورتانى قورعاۋعا قوسقان ۇلەسى ءۇشىن»
«تازالىق» ەكولوگيالىق جوباسى (الماتى)
10. «جەتىم بالالارعا كورسەتكەن قامقورلىعى ءۇشىن»
گۇلنار قابىلبەكوۆا (الماتى وبلىسى، ۇشتوبە قالاسى)
11. «جىلدىڭ قايىرىمدى ادامى»
بولات وتەمۇراتوۆ (الماتى)
12. «مۇگەدەك جاندارعا كورسەتكەن قامقورلىعى ءۇشىن»
نۇرجان ءالجانوۆا (الماتى).
