كومپيۋتەر الدىنا وتىرعاندا ەسكەرەتىن ءبىر ەرەجە

استانا. قازاقپارات - كومپيۋتەر الدىنا وتىرعاندا ەسكەرەتىن ەرەجەلەر بار.

ەگەر كۇن سايىن دۇرىس وتىرماي جۇرگەن بولساڭىز، مويىن، ارقا مەن قولىڭىزدىڭ بىلەزىگى ءسىزدى مازالاۋى مۇمكىن.

ول ءۇشىن نە ىستەۋ كەرەك؟ ەگەر ۇستەلدە ۇزاق ۋاقىت بويى بۇكىرەيىپ، ءبىر قالىپپەن وتىراتىن بولساڭىز ارقا بۇلشىقەتتەرىنە سالماق تۇسەدى. قان اينالىمى باياۋلايدى. كەيدە دەنە ءىسىنۋى دە مۇمكىن. ارقا بۇلشىقەتىڭىز زارداپ شەگۋى مۇمكىن.

نەلىكتەن بۇلاي دەسەڭىز: ويتكەنى بۇكىرەيىپ وتىرعاندا بۇلشىقەتتەر جۇلىننان ومىرتقاعا وتەتىن جۇيكە جۇيەسىن قىسادى، اۋىرتىپ، سەزىمتالدىلىقتى جويادى. ەگەر مويىن ومىرتقاداعى جۇيكەنى قىساتىن بولسا وندا مويىن، قول، يىق اۋىرىپ، ۇيىپ قالادى. بەل ومىرتقاداعى جۇيكە قىسىلاتىن بولسا بەل مەن اياقتا اۋىرسىنۋ پايدا بولادى. ەندى بۇدان شىعاتىن قانداي جول بار؟ ول ءۇشىن... ورىندىق جايلى بولۋى ءتيىس. ۇستەلدىڭ بيىكتىگى 75-85 سانتيمەتر ارالىعىندا بولعان دۇرىس.

سونداي-اق، اينالمالى، شىنتاق قوياتىن جانە بەلگە ارنايى تىرەۋىشتەرى بار ورىندىق تاڭداعان ابزال. پەرنەتاقتانى ىڭعايلى ورنالاستىرىڭىز. ال تىشقاننىڭ (ماۋس) سالماعى جەڭىل، ال اينالاتىن دوڭگەلەك باتىرماسى اۋىرلاۋ قوزعالعانى دۇرىس. مويىن، ارقا مەن قولىڭىزدىڭ بىلەزىگى اۋىرماۋ ءۇشىن، كومپتەر الدىندا وتىرۋ قالپىن ءجيى وزگەرتىپ تۇرىڭىز. ءجيى-ءجيى بوي جازىپ، جاتتىعۋ جاساڭىز. ارقا بۇلشىقەتتەرىن قيمىل- قوزعالىستا ۇستاڭىز.