21:01, 26 - قازان 2018 | GMT +5
ەلباسى يوردانيا كورولى ابداللاعا كوڭىل ايتۋ جەدەلحاتىن جولدادى
استانا. قازاقپارات - ق ر پرەزيدەنتى نۇرسۇلتان نازاربايەۆ يوردانيا كورولى II ابداللاعا كوڭىل ايتۋ جەدەلحاتىن جولدادى، دەپ حابارلايدى اقوردانىڭ رەسمي سايتى.
مەملەكەت باسشىسى ءولى تەڭىز ايماعىنداعى تابيعات اپاتى سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان جاقىندارىنان ايرىلعان وتباسىلاردىڭ قايعىلارىنا ورتاقتاسىپ، كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن»، - دەلىنگەن جەدەلحاتتا.