قازاقستانداعى ۇزدىك ەڭبەك اۋلەتى ماراپاتتالدى

استانا. قازاقپارات - ەلوردادا ەڭبەك كۇنى مەن الەۋمەتتىك قورعاۋ قىزمەتكەرلەرى كۇنىنە وراي «جالپىعا ورتاق ەڭبەك قوعامىنا قاراي» رەسپۋبليكالىق فورۋمى ءوتتى، دەپ حابارلايدى قازاقپارات.

فورۋم اياسىندا ەڭبەكشىلەردىڭ فوتوكورمەسى ءوتىپ، ەڭبەك ارداگەرلەرىنە قۇرمەت كورسەتىلدى، سونىمەن قاتار «ەڭبەك جولى» جانە «الەۋمەتتىك قورعاۋ جۇيەسىندەگى ۇزدىك قىزمەتكەر» رەسپۋبليكالىق كونكۋرستارىنىڭ جەڭىمپازدارى سالتاناتتى تۇردە ماراپاتتالدى.

«ەڭبەك جولى» بايقاۋى ەڭبەك اۋلەتتەرى مەن ءوندىرىس جۇمىسكەرلەرى اراسىندا وتكىزىلەدى. وندا «ۇزدىك ەڭبەك اۋلەتى»، «وندىرىستەگى ەڭ جاس ۇزدىك جۇمىسكەر» جانە «جۇمىس ىستەيتىن جاستاردىڭ ۇزدىك تالىمگەرى» سياقتى ءۇش اتالىم بويىنشا جەڭىمپازدار انىقتالدى.

بيىل قۇرمانعاليەۆتەر وتباسى «ۇزدىك ەڭبەك اۋلەتى» اتالىمىندا جەڭىمپاز اتاندى. بارلىق وتباسى مۇشەلەرىن جەكەلەپ ەسەپتەگەندە ورمان شارۋاشىلىعىنداعى ەڭبەك ءوتىلى 458 جىل. بۇل وتباسىنىڭ 25 مۇشەسى ءتورت ۇرپاق ساباقتاستىعىمەن وسى سالادا ەڭبەك ەتىپ كەلەدى.

بۇدان بولەك، ونلاين-داۋىس بەرۋ مەن رەپسۋبليكالىق كوميسسيانىڭ شەشىمى بويىنشا سوتقاروۆ ءابىلقايىر ءاۋتاي ۇلى «جۇمىس ىستەيتىن جاستاردىڭ ۇزدىك تالىمگەرى» اتالىمىندا وزىپ شىقتى. ول اقتوبە وبلىسىنداعى «كاز حروم ت ن ك» اكسيونەرلىك قوعامىندا مەتاللۋرگ بولىپ جۇمىس ىستەيدى.

ال «وندىرىستەگى ۇزدىك جاس جۇمىسكەر» اتالىمىندا اتىراۋ وبلىسىنداعى «دوسسورمۇنايگاز» كاسىپورنىنىڭ جۇمىسكەرى تۇرسىنبەك ايبەك تۇرسىنبەك ۇلى جەڭىسكە جەتتى.

ءداستۇر بويىنشا فورۋم اياسىندا قر پرەزيدەنتىنىڭ جارلىعىمەن 2011 -جىلعى 20 -قازاندا بەكىتەلگەن الەۋمەتتىك قورعاۋ جۇيەسىنىڭ قىزمەتكەرلەرى كۇنى قارساڭىندا سالا قىزمەتكەلەرىن ماراپاتتاۋ ءراسىمى وتكىزىلدى.

اعىمداعى جىلى ەڭبەك جانە حالىقتى الەۋمەتتىك قورعاۋ مينيسترلىگى «الەۋمەتتىك قورعاۋ جۇيەسىندەگى ۇزدىك قىزمەتكەر» اتاعى ءۇشىن Ⅲ رەسپۋبليكالىق كونكۋرستى وتكىزدى. بۇل تۇرعىدا ەلىمىزدىڭ ءار وڭىرىندە جۇمىس ىستەيتىن الەۋمەتتىك سالاداعى ءبىرقاتار قىزمەتكەرلەر رەسپۋبليكالىق كوميسسيانىڭ شەشىمىمەن جەڭىمپاز اتاندى.

وسى ورايدا «زەينەتاقى جۇيەسىندەگى ۇزدىك قىزمەتكەر»، «الەۋمەتتىك سالا جۇيەسىندەگى ۇزدىك قىزمەتكەر»، «ۇزدىك مەديتسينالىق- الەۋمەتتىك مەكەمە»، «ۇزدىك الەۋمەتتىك ۇكىمەتتىك ەمەس ۇيىم»، «جۇمىسپەن قامتۋ ورتالىعىنىڭ ۇزدىك قىزمەتكەرى»، «الەۋمەتتىك سالانىڭ ۇزدىك مەنەدجەر- ۇيىمداستىرۋشىسى»، «ۇزدىك مەملەكەتتىك ەڭبەك ينسپەكتورى» اتالىمدارىندا ساپالى قىزمەت كورسەتكەن ماماندار ماراپاتقا يە بولدى.

بۇگىنگى سالتاناتتى شاراعا ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا، پارلامەنت دەپۋتاتتارى، ورتالىق جانە جەرگىلىكتى اتقارۋشى ورگانداردىڭ، بيزنەس- قاۋىمداستىقتاردىڭ، كاسىپوداقتاردىڭ وكىلدەرى قاتىستى.

وسىعان دەيىن ەلىمىزدە 2018 -جىلدىڭ سوڭىنا دەيىن ەڭبەك كىتاپشاسى الىنىپ تاستالاتىنىن حابارلاعانبىز.