ۇكىمەت باسشىسى الماتى وبلىسىندا ەلباسى جولداۋىن ىسكە اسىرۋ بارىسىمەن تانىسادى
مۇندا ءبىلىم بەرۋ جانە دەنساۋلىق ساقتاۋ سالالارىنىڭ قىزمەتكەرلەرىمەن، سونداي- اق كاسىپكەرلەر قاۋىمىمەن پرەزيدەنتتىڭ «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن ىسكە اسىرۋ جونىندە كەزدەسۋلەر وتكىزىلەدى.
جۇمىس ساپارى بارىسىندا پرەمەر- مينيستر ءبىرقاتار ءىرى ينفراقۇرىلىمدىق نىسانداردى ارالايدى. قىتايمەن شەكاراداعى «نۇر جولى» اۆتوموبيل وتكىزۋ پۋنكتىنىڭ، «قورعاس» ش ى ح و باقىلاۋ- وتكىزۋ پۋنكتىنىڭ جۇمىستارىن جانە شەكارا ماڭى عيماراتتارىنىڭ قۇرىلىسى بارىسىن تەكسەرەدى. وعان قوسا، باقىتجان ساعىنتايەۆ كەلەسى جىلى پايدالانۋعا بەرىلەتىن شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىمەن جانە 100 مىڭعا جۋىق ادامدى ورنالاستىرۋعا ارنالعان «نۇركەنت» جاڭا قالاسىن دامىتۋدىڭ باس جوسپارىمەن تانىسادى.
وبلىس ورتالىعىندا الەۋمەتتىك- مادەني ينفراقۇرىلىمنىڭ جاڭا نىساندارىن بارىپ كورەدى. ماسەلەن، تەحنيكالىق مەكتەپ- ليتسەيدى ارالاۋ كەزىندە وڭىردە ۇسىنىلاتىن ءبىلىم بەرۋ قىزمەتتەرىنىڭ ساپاسىمەن جانە ونى ودان ءارى جەتىلدىرۋ جۇمىستارىمەن تانىسادى. كاسىپكەرلەرگە قىزمەت كورسەتۋ ورتالىعىندا وبلىستىڭ الەۋمەتتىك- ەكونوميكالىق دامۋ بارىسى، «پرەزيدەنتتىڭ بەس الەۋمەتتىك باستاماسىن» ىسكە اسىرۋ، سونىڭ ىشىندە گازداندىرۋ ماسەلەلەرى، سونداي- اق، ت ۇ ك تاراپىنان ينۆەستيتسيالار تارتۋعا قاجەتتى جاعدايلار جاساۋ، م ج ءا قاعيداسىن قولدانۋدى كەڭەيتۋ جانە ىشكى ءارى سىرتقى تۋريزمدى دامىتۋ ماسەلەلەرى قارالادى.
الماتى وبلىسىنىڭ جالپى وڭىرلىك ءونىمى (ج ء و ءو) ءبىرىنشى جارتى جىلدىقتا 1,09 تريلليون تەڭگەنى قۇرادى. رەسپۋبليكالىق كولەمدەگى ءوڭىردىڭ ج ءو ءو ۇلەسى - % 4,4. ج ءو ءو قۇرىلىمىنداعى ونەركاسىپ ۇلەسى- %24,9، اۋىل شارۋاشىلىعى ۇلەسى -% 8,9، قۇرىلىس -% 7,3، ساۋدا -% 10,9، كولىك جانە قويمالاۋ -% 16,5، اقپارات جانە بايلانىس -% 0,7، جىلجىمايتىن مۇلىك وپەراتسيالارى -% 5,5، باسقالارى -% 25.
وڭىرگە كەلگەن بويدا ب. ساعىنتايەۆ بيىل كوكتەمدە پايدالانۋعا بەرىلگەن تالدىقورعان اۋەجايىنىڭ جاڭا تەرمينالىن كوردى. بۇل نىسان ىشكى جانە حالىقارالىق اۋە قاتىناستارىنا ۇشاتىن جولاۋشىلارعا، سونداي- اق، شىعارىپ سالۋشىلار مەن كۇتىپ الۋشىلارعا جىل بويى ۇشار الدىنداعى جانە قونعاننان كەيىن كەشەندى قىزمەتتى كورسەتۋگە ارنالعان.
بۇدان وزگە، الماتى وبلىسىنىڭ اكىمى ا. باتالوۆ ءۇشارال قالاسىنىڭ اۋەجايىن دامىتۋ جانە الاكول كولىنىڭ جاعالاۋىن بەكىتۋ جوبالارىمەن تانىستىردى.
وتكەن جىلى الماتى وبلىسىنىڭ اكىمدىگى ءۇشارال قالاسى اۋەجايىنىڭ ايەروۆوكزال عيماراتىن سالۋدى اياقتادى. وسى جىلدىڭ ماۋسىم ايىنان باستاپ ءۇشارال اۋەجايىنان اپتاسىنا ءۇش رەت «استانا - ءۇشارال» جانە «تالدىقورعان - ءۇشارال»، اپتاسىنا بەس رەت «الماتى - ءۇشارال» باعىتىندا اۋە رەيستەرى ورىندالۋدا. سونىمەن قاتار، قازىرگى تاڭدا ۇشۋ- قونۋ جولاعىن رەكونسترۋكسيالاۋ جۇمىستارى جۇرگىزىلىپ جاتىر، بۇل اۋەجايدىڭ Boeing ساناتىنىڭ اۋە كەمەلەرىنە قىزمەت كورسەتۋىنە جول اشادى.
بيىل ءبىر ميلليوننان استام تۋريست كەلگەن الاكول كولىنىڭ جاعالاۋىن دامىتۋ ماقساتىندا كەشەندى ينفراقۇرىلىمدى جاڭعىرتۋ جۇمىستارى جالعاسىپ جاتىر. 2019 -جىلى الاكول كولىنىڭ جاعالاۋىندا سۋمەن جابدىقتاۋ جانە سۋ تارتۋ جۇيەلەرىن - ۇزىندىعى 72,9 شاقىرىم بولاتىن تازارتۋ نىساندارى، سونداي- اق، 50 شاقىرىمعا ارنالعان سۋمەن جابدىقتاۋ جۇيەسىن سالۋ كوزدەلگەن. بۇدان وزگە، جاعالاۋدى بەكىتۋ مەن كەمە ايالدايتىن ايلاقتاردى سالۋدىڭ جاڭا تەحنولوگيالارىن ەنگىزۋ جوسپاردا بار. وبلىس اكىمىنىڭ ايتۋىنشا، قورشالعان بوگەت كوكتۇما مەن اقشي اۋىلدارىنىڭ تۇرعىندارىن - 2,5 مىڭنان استام ادامدى الاكول كولىنىڭ قاتتى تولقىندارىنىڭ زالال كەلتىرۋىنەن قورعاۋعا مۇمكىندىك بەرەدى.
ايتا كەتۋ كەرەك، وبلىس اكىمدىگىنىڭ دەرەكتەرىنە سايكەس، تۋريستىك ينفراقۇرىلىمدى دامىتۋ بويىنشا قابىلدانىپ جاتقان شارالار 2016 -جىلدان باستاپ (452 مىڭ ادام) الاكول اۋدانىندا قىزمەت كورسەتىلگەن تۋريستەر سانىن ەكى ەسەدەن استام ۇلعايتۋعا مۇمكىندىك بەردى. جالپى، وبلىس بويىنشا ءبىر جىلدا كەلەتىن تۋريستەر سانى 1,96 ميلليون ادامدى قۇرايدى.
