وتاندىق شەنەۋنىكتەر بالا كۇنىندە قانداي مەكتەپتەردە وقىعان؟

 استانا. قازاقپارات - قازاقستاندىقتار وتاندىق شەنەۋنىكتەردىڭ جەكە ءومىرى جايلى اقپاراتقا قىزىعۋشىلىق تانىتاتىنى انىق.

اسىرەسە، شەندى-شەكپەندىلەردىڭ وتباسىلارى مەن بالالىق شاعى تۋرالى دەرەكتەر ب ا ق بەتتەرىندە تىم از.

NUR. KZ بۇگىنگى توپتامادا ەل اتقامىنەرلەرىنىڭ قانداي مەكتەپتە وقىعانى جايلى ازدى-كوپتى اقپارات ۇسىنادى.

قازاقستاندىق شەنەۋنىكتەردىڭ دەنى جاۋتىكوۆ اتىنداعى الماتىداعى رەسپۋبليكالىق مامانداندىرىلعان دارىندى بالارعا ارنالعان فيزيكا-ماتەماتيكا ورتا مەكتەپ-ينتەرناتىن ءتامامداعان ەكەن. اتالعان مەكتەپتى ءتىپتى وتاندىق مينيسترلەردىڭ تاربيەلەپ شىعارعان قارا شاڭىراق دەپ تە اتايدى ەكەن.

وڭتۇستىك استاناداعى ايگىلى مەكتەپتى ۇلتتىق قاۋىپسىزدىك كوميتەتى باسشىسى كارىم ءماسىموۆ، «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ، ۇلتتىق بانكتىڭ بۇرىنعى باسشىسى قايرات كەلىمبەتوۆتەر بىتىرگەن ەكەن.

ەل پرەمەر ءمينيسترى باقىتجان ساعىنتايەۆتىڭ ورىنباسارى ەربولات دوسايەۆ تا اتالمىش مەكتەپتىڭ تۇلەگى بولىپ شىقتى.

سول سياقتى، بۇل ءبىلىم ورداسىن استانانىڭ سۋ جاڭا اكىمى باقىت سۇلتانوۆ ءبىتىرىپ شىققان.

ەل اۋزىندا «ر ف م ش» دەپ تانىلىپ كەتكەن مەكتەپتىڭ اتاقتى تۇلەكتەرىنىڭ قاتارىندا ياندەكس كومپانياسىنىڭ نەگىزىن قالاۋشى يليا ساگالوۆيچ پەن اركادي ۆولوج دا بار.

الماتى قالاسىنىڭ اكىمى باۋىرجان بايبەك بولسا بالا كۇنىندە ك. بايسەيىتوۆ اتىنداعى مۋزىكالىق مەكتەپتە وقىپتى. ول جۋرناليستەرمەن وتكەن بەيرەسمي كەزدەسۋىنىڭ بىرىندە، ءتىپتى، بۇگىندە مۋزىكا الەمىنەن ساياساتقا اۋىسقانىنا ەش وكىنبەيتىنىن ايتقان ەكەن.

ال، بەلگىلى قوعام قايراتكەرى مۇرات ابەنوۆ بولسا قىزىلوردا قالاسىنداعى 198№ مەكتەپتى بىتىرگەن ەكەن. ايتا كەتەرلىگى، ءدال وسى مەكتەپتى ەلىمىزدىڭ داڭقتى زىلتەمىرشىسى يليا يلين دە ءتامامداعان ەدى.

ەل ەسىندە ەڭبەك جانە الەۋمەتتىك قورعاۋ ءمينيسترى رەتىندە قالعان تامارا دۇيسەنوۆا بولسا، قازىرگى تۇركىستان وبلىسى سارىاعاش اۋدانىنداعى مۇحتار اۋەزوۆ اتىنداعى مەكتەپتى ءبىتىرىپتى.

ەڭبەك جانە الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا بولسا، قاراعاندى وبلىسى نۇرا اۋدانىنداعى 1№ كيەۆ ورتا مەكتەبىنىڭ تۇلەگى ەكەن.